රාගම ප්රදේශයේ වෙළඳසැලක් තුළ දී කාන්තාවකට හිංසා කරමින් ඇගේ හිසකෙස් කැපීමට අදාළව අත්අඩංගුවට ගැනුණු සැකකාරියන් 05 දෙනා ලබන 20 වනදා දක්වා රක්ෂිත බන්ධනාගාර ගතකර තිබෙනවා.
ඒ, අදාළ සැකකාරියන් අද (18) දිනයේ වැලිසර මහේස්ත්රාත් අධිකරණය හමුවට ඉදිරිපත් කිරීමෙන් අනතුරුවයි.
මෙම සිද්ධියට අත්අඩංගුවට ගෙන තිබුණේ අවුරුදු 27, 20, 21, 22 සහ 23 වයසේ පසුවන රාගම, රාජාංගනය, කඩවත, රාගම සහ ත්රිකුණාමලය චීනවරාය යන ප්රදේශවල ප්රදේශයේ පදිංචිකාරියන් පිරිසක්.
රාගම ප්රදේශයේ වෙළඳසැලකින් භාණ්ඩ සොරාගත් බව කියන කාන්තාවකට එම වෙළඳසැලේ සේවිකාවන් පිරිසක් ඇයට හිංසා කරමින් ඇයගේ හිසකෙස් කපන අයුරු දැක්වෙන වීඩියෝවක් ඊයේ (17) දිනයේ සමාජ මාධ්යයේ සංසරණය වුණා.
ඒ, පිළිබඳව අවදානය යොමුවූ පොලිසිය සිද්ධිය පිළිබඳව විමර්ශන සිදුකර අදාළ සිද්ධියට සම්බන්ධ සැකකාරියන් ඊයේ (17) දිනයේ අත්අඩංගුවට ගෙන තිබුණා.
රාගම පොලිසිය සඳහන් කළේ මෙම සිදුවීම පසුගිය 07 වනදා සිදුව ඇති බවයි.
එච්චර දුරින් ඇවිත් කඩවත ගෑනියෙකුට චණ්ඩිකම් කරන්න පුළුවන්ද?? උපරිම දඩුවම් දිය යුතුයි.