රුපියල් එක් කෝටි දහතුන් ලක්ෂ අසූපන් දහසක් වටිනා, චීනයේ නිෂ්පාදිත දුම්වැටි තොගයක්, නීතිවිරෝධී ලෙස මෙරටට රැගෙන ආ චීන ජාතික ගුවන් මගීන් 06 දෙනෙක් අද (16) දින අලුයම ගුවන් තොටුපොළ රේගු නිලධාරීන් සහ රේගු මත්ද්රව්ය පාලන අංශයේ නිලධාරීන් පිරිසක් විසින් අත්අඩංගුවට ගෙන තිබෙනවා.
මෙම චීන ජාතිකයන් පිරිස ව්යාපාරිකයන් බවයි පැවසෙන්නේ.
ඔවුන් තායි ගුවන් සේවයේ ටී.ජී.- 307, චීන ගුවන් සේවයේ සී.ඒ.- 425 සහ තායි එයාර් ඒෂියා ගුවන් සේවයේ එෆ්.ඩී.- 140 දරන ගුවන් යානා වලින් අද දින අලුයම කටුනායක ගුවන් තොටුපොළ වෙත පැමිණ තිබුණා.
ඔවුන් විසින් රැගෙන ආ ගමන් මලු තුළ චීනයේ නිෂ්පාදිත දුම්වැටි 75,900 ක් සගවා ගෙන පැමිණ තිබෙනවා.
කටුනායක ගුවන් තොටුපොළ රේගු නිලධාරීන් මොවුන් අත් අඩංගුවේ තබා ගෙන මේ පිළිබද වැඩිදුර විමර්ශන කටයුතු සිදු කරමින් සිටිනවා.
ඔබේ ප්රතිචාරය කුමක්ද ?
+1
2
+1
+1
+1
+1
+1
+1
