මහරගම පොලිස් වසමේ පමුණුව ප්රදේශයේ නිවසක ඇති වූ ගින්නෙන් අදාළ නිවසේ හිමිකරු ද ජීවිතක්ෂයට පත්ව ඇති බවට මේ වනවිට තොරතුරු වාර්තා වනවා.
ඒ, අනුව මෙම ගින්නෙන් ජීවිත අහිමි වූ සංඛ්යාව තුනක් දක්වා ඉහළ ගොස් ඇති අතර, තවත් පුද්ගලයෙක් බරපතළ තුවාල ලබා ඇති බවයි වාර්තා වුණේ.
සිද්ධිය සම්බන්ධයෙන් සිදුකළ විමර්ශනවල දී අනවරණය වී ඇත්තේ අවුරුදු 76 ක් වන නිවසේ හිමිකරු විසින් මෙම ගිනි තැබීම සිදුකර ඇති බවයි.
ඊයේ (18) පස්වරුවේ මෙම නිවසේ ගින්නක් ඇතිව තිබෙන අයුරු ප්රදේශ වාසීන් විසින් දැක එය නිවා දැමීමට කටයුතු කර තිබෙනවා.
එහිදී නිවසේ ඉහළ මහලේ කාමරයක් තුළ සිටි කාන්තාවක් හා දැරියක් මියගොස් සිට ඇති අතර පිළිස්සීමෙන් තුවාල ලබා සිටි පුද්ගලයින් දෙදෙනෙකු ප්රතිකාර සඳහා කළුබෝවිල රෝහලට ඇතුළත් කිරීමටයි කටයුතු කර ඇත්තේ.
මිය ගොස් ඇති දැරිය අවුරුදු 16ක් වන අතර අනෙක් කාන්තව දැරියගේ 55 හැවිරිදි මව බවයි පොලිසිය පවසන්නේ.
ගින්නෙන් 46 හැවිරිදි පියා සහ 76 හැවිරිදි නිවසේ හිමිකරු බරපතළ තුවාල ලැබූ අතර, ඔවුන් දෙදෙනා රෝහල් ගත කිරීමෙන් අනතුරුව නිවසේ හිමියා මියගොස් ඇති බවයි තොරතුරු වාර්තා වන්නේ.
මියගිය දියණිය මව සහ බරපතළ තුවාල ලබා සිටින පියා අදාළ නිවසේ උඩු මහලේ කුලී පදනම මත රැදී සිට ඇති අතර, ඔවුන් සමඟ ඇති වූ පුද්ගලික ආරවුලක් මත නිවසේ හිමිකරු මෙම ගිනි තැබීම සිදුකර ඇති බවයි අනාවරණය වී ඇත්තේ.
මහරගම පොලිසිය විසින් සිද්ධිය පිළිබඳව වැඩිදුර විමර්ශන සිදුකරනු ලබනවා.
