මහරගම, පමුණුව පාරේ, දෙවන පටුමග ප්රදේශයේ පිහිටි දෙමහල් නිවසක ඉහළ මහලයේ ඊයේ (18) රාත්රියේ සිදු වූ ගිනි ගැනීමකින් දෙදෙනෙක් මියගොස් තවත් දෙදෙනෙකු බරපතළ තුවාල ලබා රෝහල්ගත කර තිබෙනවා.
මෙලෙස මියගොස් ඇත්තේ එකම පවුලේ මවක් සහ දියණියක් වන අතර ඔවුන් වයස අවුරුදු 55 සහ 16 යන වයස්වල පසුවනවා.
තුවාල ලබා ඇත්තේ 46 හැවිරිදි පියා සහ අදාළ නිවසේ හිමිකරු වන 76 හැවිරිදි පුද්ගලයෙක්.
නිවසේ ඇති වූ ගින්න අසල්වැසියන් විසින් නිවාදමා පිළිස්සුම් තුවාල ලබා සිටි පිරිමි පුද්ගලයන් දෙදෙනා රෝහල් ගත කර ඇති අතර, නිවස තවදුරටත් පරීක්ෂා කිරීමේ දී නිවසේ කාමරයක් තුළ මියගිය කාන්තාවන් දෙදෙනාගේ මළ සිරුරු තිබී හමුව තිබෙනවා.
ගින්න හටගත් නිවස තුළ පෙට්රල් ගඳ වාහනය වී ඇති අතර, කිසියම් පුද්ගලයෙක් හෝ පාර්ශ්වයක් විසින් නිවසට ගිනි තබා ඇති බවටයි පොලිසිය සැකපළ කරන්නේ.
අපරාධයට හේතුව මෙතෙක් අනාවරණය වී නොමැති අතර, මහරගම පොලිසිය වැඩිදුර විමර්ශන සිදුකරනු ලබනවා.
