මෝටර් රථයකින් පැමිණි පිරිසක් කළ පහරදීමෙන් පුද්ගලයෙක් රෝහලේ

මෝටර් රථයකින් පැමිණි පිරිසක් කළ පහර දීමකින් පුද්ගලයකු රෝහල් ගත කර ඇති බවට ලැබුණු තොරතුරක් මත පොලිසිය පරීක්ෂණ ආරම්භ කර තිබෙනවා.

පහරකෑමෙන් රෝහල් ගතකර ඇත්තේ පානදුර වෑකඩ ප්‍රදේශයේ පදිංචි පුද්ගලයෙක්.

පානදුර බණ්ඩාරගම මාර්ගයේ වෑකඩ ප්‍රදේශයේදී මෝටර් රථයකින් පැමිණි පිරිසක් පහරදීම සිදු කර පලාගොස් ඇති බවට තොරතුරු ලැබී තිබෙනවා.

තුවාලකරු පානදුර මූලික රෝහලට ඇතුලත් කර ඇති අතර ඔහුගේ තත්ත්වය බරපතළ බව රෝහල් ආරංචි මාර්ග සඳහන් කළා.

පානදුර දකුණ පොලිසිය සැකකරුවන් සොයා පරීක්ෂණ සිදු කරනවා.