ලොව ජනප්‍රිය විලාසිතා සන්නාමයක් වන “මැංගෝ” හි නිර්මාතෘ ඉසාක් ඇන්ඩික් හදිසි අනතුරකින් ජීවිතක්ෂයට පත්ව තිබෙනවා.
සිය පවුලේ සමාජිකයින් සමඟ ස්පාඤ්ඤයේ, බාසිලෝනාහි කඳුකර ප්‍රදේශයේ පිහිටා ඇති මොන්ට්සෙරාට් ගුහා ගවේෂණයක නිරත වන අවස්ථාවේ මිටියාවතකට ඇද වැටීමෙන් ඔහු මියගොස් ඇති බවයි වාර්තා වුණේ.
මිය යන විට ඉසාක් ඇන්ඩි 71 වන වියේ පසු වුණා.
තුර්කියේ උපත ලැබූ ඉසාක් ඇන්ඩික් 1984 වසරේ දී බාර්සිලෝනාහිදී සිය සොහොයුරා සමඟ එක්ව මැංගෝ” විලාසිතා ව්‍යාපාරය ආරම්භ කරනු ලැබුවා.
ස්පාඤ්ඤ කේන්ද්‍රකරගනිමින් ව්‍යාප්ත වී ඇති “මැංගෝ” විලාසිතා සන්නාමයේ වෙළඳසැල් 2,800 කට ආසන්න ප්‍රමාණයක් ලොව පුරා පවතිනවා.
