සුඛෝපභෝගී මෝටර් රථයක් පැද වූ කාර්මික ඉංජිනේරුවරයෙක් යතුරුපැදිකරුවෙකු හිතාමතා අනතුරට ලක්කර ඝාතනය කිරීම සම්බන්ධයෙන් අත්අඩංගුවට ගත් බව දෙහිවල පොලීසිය පවසනවා.
මෙලෙස අත්අඩංගුවට ගෙන ඇත්තේ දෙහිවල පෙෂර් ඇවිනිව් හි පදිංචි 30 හැවිරිදි පුද්ගලයෙක්
දෙහිවල කඩවත පාර පැරකුම් මාවත හැරෙන හන්දිය අසලදී සැකකරු පැදවූ මෝටර් රථයට යට වීමෙන් මියගොස් තිබුණේ මොරටුව කටුබැද්ද පි බි අල්විස් පෙරේරා නැමැති 52 හැවිරිදි තිදරු පියෙකි.
කළුබෝවිල ශීක්ෂණ රෝහල ආසන්නයේදී මියගිය පුද්ගලයා පැදවූ යතුරුපැදිය මෝටර් රථයේ ගැටීමට යාමේදී දෙදෙනා අතර මහමඟදී ආරවුලක් හටගෙන තිබී ඇතැයි පොලිස් විමර්ශනවලදී අනාවරණය වී ඇත
අනතුරුව මියගිය යතුරු පැදිකරු තම යතුරුපැදිය ඉදිරියෙන් ධාවනය කරමින් සිටියදී මෝටර් රථයේ රියදුරු විසින් ද වේගයෙන් මෝටර් රථය ඉදිරියට ධාවනය කිරීමේදී වංගුවක් සහිත ස්ථානයකදී මෝටර් රථයේ රෝදයක හුලංගොස් ඇති අතර ඒ සමගම එහි වේගය අඩාල වීමත් සමගම රියදුරු නැවතත් මෝටර් රථය ඉතා වේගයෙන් හිතාමතා යතුරුපැදියේ පිටුපස හප්පා යතුරු පැදිකරු මෝටර් රථයට යට කර ඝාතනය කර තිබු බවට පොලිස් විමර්ශනවලදී අනාවරණය වී තිබේ.
අදාල මෝටර් රථයද මාර්ගයේ පෙරළී ඇතැයිද පොලිසිය පැවසීය.
බරපතල තුවාල ලබා සිටි පුද්ගලයා ප්රදේශ වාසීන් විසින් කළුබෝවිල ශික්ෂණ රෝහලට ඇතුළත් කරන විටත් මියගොස්ව සිට තිබේ.
අත්අඩංගුවට ගත් සැකකරු ගල්කිස්ස මහේස්ත්රාත් අධිකරණය වෙත ඉදිරිපත් කිරීමට නියමිතයි.
