ප්රජාතන්ත්රවාදී නිදහස මුවාවෙන් බුද්ධ ධර්මයට අපහාස වන අයුරින් හැසිරීමට කිසිවෙකුටත් ඉඩ නොදිය යුතු බව අස්ගිරි පාර්ශවයේ අනුනායක පූජ්ය ආණමඩුවේ ධම්මදස්සි හිමි පවසනවා.
බුදු දහමට අපහාස කිරීම සඳහා ගිහියන් මෙන්ම චීවරධාරීන් ද කටයුතු කරන බව මෑතක සිට නිරන්තරයෙන් දැකිය හැකි බවයි ඊයේ පැවති මාධ්ය හමුවකට එක්වෙමින් උන්වහන්සේ සඳහන් කළේ.
වර්තමානය වන විට බුදු සසුනට ඉල්ලවන අභියෝග පිළිබඳව ජනතාව දැනුවත් කර පිවිතුරු බුදු දහම රැක ගැනීම සඳහා වන විශේෂ මාධ්ය හමුවක් ඊයේ පස්වරුවේ අස්ගිරි මහා විහාරයේදී පැවැත්වුණා.
බුදුදහම සුරක්ෂිත කර පෝෂණය කිරීමේ අයිතිය ආණ්ඩුක්රම ව්යවස්ථාව මගින් තහවුරු කර ඇති බව එහිදී පෙන්වා දුන් අනුනායක හිමියන් කියාසිටියේ මහජනයාට මෙන්ම ආණ්ඩුවට ද බුදු දහම රැක ගැනීමේ වගකීමක් ඇති බවයි.
මේ සම්බන්ධයෙන් මහා නායක හිමියන් ඇතුලු මහා සංඝරත්නය අවධානයෙන් පසුවන බව කී අනුනායක හිමි, අධිරාජ්යවාදයෙන් රටට සිදුවූ හානියට සමාන හානියක් මේ වන විට සිදුකරමින් පවතින බව පෙන්වා දුන්නා.
මෙවැනි තත්ත්වයක් යටතේ මහජනතාව වඩාත් විමසිලිමත් විය යුතු යැයි සඳහන් කළ උන්වහන්සේ බුදුදහම රැක ගැනීම පරම වගකීමක් බවයි සඳහන් කළේ.
