බදුල්ල බන්ධනාගාරය තුල යම් හදිසි තත්වයක් උද්ගතවුවහොත් ඊට මුහුණ දීම සම්බන්ධයෙන් පෙරහුරු වැඩසටහනක් බදුල්ල පොලීසිය විසින් අද (11) සවස් කාලයේදී බන්ධනාගාරය ඉදිරිපිට හා ඒ අවට පවත්වා තිබෙනවා.
බදුල්ල නගරයේ හඳුනාගත් ස්ථාන සඳහා පොලිස් නිළධාරීන් ස්ථාන ගතකරමින් බන්ධනාගාරයට ආරක්ෂාව සපයන ආකාරයටයි මෙම පෙරහුරුව සංවිධානය කර තිබුණේ.
මේ සඳහා බදුල්ල පොලිස් ස්ථානයේ නිළධාරීන් හා උඩුවර විශේෂකාර්ය බළකායේ නිළධාරීන් ද ඇතුළුව නිළධාරීන් 200කට ආසන්න පිරිසක් සහභාගි වූ බවයි පොලිස් ආරංචි මාර්ග සඳහන් කළේ.
