නේපාලයේ ඇති වූ හදිසි ගංවතුර සහ නායයෑම හේතුවෙන් පුද්ගලයින් 160කට අධික සංඛ්යාවක් මියගොස් ඇති බවට මේ වන
විට තහවුරු කර ඇතැයි විදෙස් මාධ්ය වාර්තා කරනවා.
එමෙන්ම මේ වන විටත් විදෙස් සංචාරකයින් ඇතුළු පුද්ගලයින් 400ක් පමණ අතුරුදන් සිටින බවයි පැවසෙන්නේ.
නේපාල බලධාරීන් පවසන් පරිදි, අතුරුදන් වූ විදෙස් සංචාරකයින් අතර ඉන්දීය ජාතිකයින් 100කට අධික පිරිසක්, ඇමරිකාවේ 54 දෙනෙක්, ඕස්ට්රේලියාවේ 34 දෙනෙක් සහ එක්සත් රාජධානියේ 33 දෙනෙක් වනවා.
එමෙන්ම නේපාලයේ ස්වදේශිකයන් 100කට අධික පිරිසක් ද වන බවයි වාර්තා වන්නේ.
මෙලෙස ආපදාවට ලක් වූ ප්රදේශය වන්දනාකරුවන් සහ කඳු තරණය කරන්නන් වෙනුවෙන් ජනප්රිය ස්ථානයක්.
අමෙරිකාව, චීනය, යුරෝපා සංගමය සහ ඉන්දියාව යන රටවල් මේ වන විට නේපාලයට ආධාර කිරිමට ඉදිරිපත් වී තිබෙනවා.
