දික්වැල්ල, නිල්වැල්ල මුහුදු තීරයේ දිය නාමින් සිටි පුද්ගලයන් තිදෙනෙක් අතරින් එක් පුද්ගලයෙක් දියවැලකට හසුවීමෙන් ජිවිතක්ෂයට පත් වීමේ පුවතක් වර්තාවනවා.
මාතර, යටියන ප්රදේශයෙන් පැමිණි පුද්ගලයන් තිදෙනක් ඊයේ (06) පස්වරුවේදී නිල්වැල්ල, බ්ලූබීචි දූපත අසළ මුහුදේ දිය නාමින් සිට ඇති අතර, එම අවස්ථාවේ දී දිය වැලකට හසුවීමෙන් ඔවුන් තිදෙනා ගසාගෙන ගොස් තිබූ අතර එහිදි ප්රදේශවාසීන් විසින් ඔවුන් බේරා ගැනීමට කටයුතු කොට තිබූ නමුත් එහිදි එක් අයෙක් මියගොස් තිබූ බවයි පැවසෙන්නේ.
කෙසේ වෙතත් බේරාගනු ලැබූ අනෙක් පුද්ගලයන් දෙදෙනා ප්රතිකාර සඳහා මාතර මහ රෝහලට ඇතුළත් කොට තිබෙනවා.
සිද්ධියෙන් ජීවිතක්ෂයට පත්ව ඇත්තේ නිපුණ තාරක ලක්මාල් නැමති වයස 32 වන අයෙක් බව පොලිසිය පවසනවා.
අනතුර සම්බන්ධයෙන් දික්වැල්ල පොලිසිය පරීක්ෂණ පවත්වනු ලබනවා.
