දික්ඔය ද්විත්ව ඝාතනයේ සැකකරු අල්ලන්න පොලිසිය මහජන සහාය පතයි

හැටන්, දික්ඔය නගරයේ පසුගිය 21 වනදා පස්වරුවේ සිදු වූ ද්විත්ව ඝාතනයට සම්බන්ධ බව කියන සැකකරු අත්අඩංගුවට ගැනීම සඳහා පොලිසිය මහජන සහාය පතනවා.

දික්ඔය නගරයේ වෙළඳසැලක සිටි වයසක අඹුසැමි යුවළක් කිසියම් පුද්ගලයෙකු විසිත් තියුණු ආයුධයකින් ගෙල කපා ඝාතනය කර එහි කාන්තාව සතුව තිබූ පවුම් 18ක් පමණ රත්‍රං කොල්ලකා පුද්ගලයෙක් පලාගොස් තිබුණා.

මෙම සැකකරු පසුගිය 21 වනදා ස්වර්ණාභරණ මිලදී ගැනීමේ මුවාවෙන් දික්ඔය නගරයේ පිහිටි ස්වර්ණාභරණ අලෙවිසැල් කිහිපයකටම ගොස් ඇති බවට කරුණු අනාවරණය වී තිබෙනවා.

මෙම ද්විත්ව ඝාතනය සිදුකළ බවට සැක කෙරෙන පුද්ගලයා එදින පස්වරු 1:15ට පමණ අදාළ වයසක අඹුසැමි යුවළ සිටි වෙළඳසැල තුළට පිවිස, එම වෙළඳසැල තුළ සැඟව සිට අඹුසැමි යුවළ ඝාතනය කිරීමෙන් අනතුරුවන් රන් භාණ්ඩ ද කොල්ල කා පස්වරු 5:30ට පමණ වෙළඳසැලෙන් පලාගොස් ඇති බවයි විමර්ශන සිදුකරන පොලිසිය සඳහන් කළේ.

අපරාධය සිදුකළ මෙම සැකකරු සම්බන්ධයෙන් තොරතුරක් වෙතොත් 071 8591114 (හැටන් ජ්‍යේෂ්ඨ පොලිස් අධිකාරි), 071 8591117 (හැටන් මූලස්ථාන ප්‍රධාන පොලිස් පරීක්ෂක), 071 8593163 (හැටන් පොලිසියේ අපරාධ විමර්ෂන අංශයේ ස්ථානාධිපති) යන දුරකථන අංක වෙත දැනුම් දෙන ලෙසයි මහජනතාවගෙන් පොලිසිය ඉල්ලා සිටින්නේ.

සැකකරුගේ ඡායාරුපය පහතින්..