ඉන්දීය ක්‍රිකට් පාලක මණ්ඩලයේ මීළඟ ලේකම්වරයා ලෙස දිල්ලි සහ දිස්ත්‍රික් ක්‍රිකට් සංගමයේ සභාපති රොහාන් ජෙයිට්ලි පත්වීමට වැඩි අවස්ථාවක් ඇති බවට තොරතුරු වාර්තා වාර්තා වනවා.
එහි වත්මන් ලේකම් ජේ ෂා අයි.සී.සී නව සභාපතිවරයා ලෙස පත්වුවහොත් රොහාන් ජෙයිට්ලිට මෙම අවස්ථාව හිමිවන බවයි ඉන්දීය මාධ්‍ය වාර්තා කළේ.
කෙසේ වෙතත් ජේ ෂා තවමත් අයි.සී.සී සභාපති තනතුර සඳහා නාමයෝජනා ගොනු කර නොමැති බවට ද තොරතුරු වාර්තා වනවා.
ඉන්දීය මාධ්‍ය ඇතුළු බොහෝ විදෙස් මාධ්‍ය වාර්තා කළේ ඉන්දීය ක්‍රිකට් පාලක මණ්ඩලයේ වත්මන් ලේකම් ලෙස කටයුතු කරන ජේ ෂා ජාත්‍යන්තර ක්‍රිකට් කවුන්සිලයේ සභාපති සඳහා තරග කිරීමේ සූදානමක් ඇති බවයි.
එලෙස සභාපති ධුරය සඳහා ඔහු තරග කළහොත් එම තනතුර ඔහුට නිසැකවම හිමිවනු ඇති බවට ද තොරතුරු වාර්තා වුණේ අයි.සී.සී අධ්‍යක්ෂ මණ්ඩලය සාමාජිකයින් බහුතරයකගේ කැමැත්ත ඔහු කෙරෙහි පැවතීම හේතුවෙන්.
එලෙස ජේ ෂා අයි.සී.සී නව සභාපතිවරයා ලෙස පත්වුවහොත් ඉන්දීය ක්‍රිකට් පාලක මණ්ඩලයේ මීළඟ ලේකම්වරයා ලෙස දිවංගත දේශපාලනඥයෙකු වන අරුන් ජෙයිට්ලිගේ පුත් රොහාන් ජෙයිට්ලි එම තනතුර සඳහා පත් කිරීමේ සූදානමක් පවතිනවා.
ඉන්දීය ක්‍රිකට් පාලක මණ්ඩලයේ වත්මන් සභාපති රොජර් බිනී ඇතුළු නිලධාරී මණ්ඩලයේ නිල කාලය කාලය අවසන් වීමට තවත් වසරක් ඉතිරිව පවතිනවා.
ඒ, අනුව එම අවුරුදු වසරක කාලය වෙනුවෙන් රොහාන් ජෙයිට්ලි ලේකම් තනතුර සඳහා පත්වනු ඇති බවයි තොරතුරු වාර්තා වන්නේ.
