යතුරුපැදියෙන් පැමිණි පුද්ගලයන් දෙදෙනෙක් විසින් අද (13) පස්වරුවේ කඳාන, වීදි මාවත ප්‍රදේශයේ පිහිටි නිවසකට වෙඩි තබා පළාගොස් තිබෙනවා.
ටී-56 වර්ගයේ ගිනි අවියකින් මෙම වෙඩි තැබීම සිදුකර ඇති බවයි පොලිසිය සඳහන් කළේ.
වෙඩික්කරුවන්ගේ ඉලක්කය වී ඇත්තේ රංජිත් කුමාර නොහොත් ‘කඳානේ කොණ්ඩ රංජි’ නැමැත්තාගේ නිවස බවයි තොරතුරු වාර්තා වුණේ.
ගිනි අවි ළඟ තබාගැනීම, මත්ද්‍රව්‍ය ජාවාරම සහ හරක් හොරකම් සම්බන්ධව බන්ධනාගාරගතව ඇප මත නිදහස්ව සිටි එම පුද්ගලයා මීට වසර කිහිපයකට පෙර බිරිඳ සහ දරුවන් ද සමඟ ඩුබායි රාජ්‍යයට ගොස් ඇති බවයි වාර්තා වන්නේ.
මෙම වෙඩි තැබීමේ දී අසල පිහිටි නිවාසවලට ද වෙඩි පහරවල් කිහිපයක් වැදී ඇති බවයි පොලිසිය වැඩිදුරටත් සඳහන් කළේ.
