“ජනතාව ලබා දුන් ජනවරම අපි පිළිගන්නවා” – දිළුම් අමුණුගම

නව ජනාධිපතිවරයා බලයට පත්වීමත් සමග විවිධ පුද්ගලයින් විසින් ජනාධිපති ලේකම් කාර්යාලයට අයත් රථවාහන ජනාධිපති කාර්යාලය අසළ බාලදක්ෂ මාවතේ පිහිටි රථ ගාලේ සහ පදනම් ආයතනය ආසන්නයේ ගාල්කර තබා ගොස් තිබුණා.

ඒ පිළිබඳව මාධ්‍යවේදීන් නැගූ ප්‍රශ්නයකට පිළිතුරු දෙමින් හිටපු අමාත්‍ය දිළුම් අමුණුගම කියා සිටින්නේ, එම වාහන අවභාවිතා කරන ලද වාහන නොවන බවයි.

එමෙන්ම ඉදිරි මැතිවරණයේ දී තමන් ඇතුළු කණ්ඩායම සන්ධානයක් ලෙසින් තරඟ කිරීමට සූදානම් බවත් නාමල් රාජපක්ෂ ප්‍රමුඛ කණ්ඩායම මේ වන විට සාකච්ඡාවලට එක් වී නොමැති බවත් හිටපු අමාත්‍යවරයා කියා සිටියා.

වැඩිදුරටත් අදහස් දැක් වූ ඔහු සඳහන් කරන්නේ, ජනතාව ලබා දුන් ජනවරම පිළිගන්නා බවත් එය බිඳ වැට්ටවීමට තමන් ඇතුළු කණ්ඩායම සූදානම් නොවන බවත්ය.