BMW මෝටර් රථයක් මතට කොන්ක්රීට් ප්රවාහනය කළ ටැංකි රථයක් පෙරළීමෙන් ඉන්දියාවේ ආන්ද්රා ප්රාන්තයේ අනතුරක් සිදුව තිබෙනවා.
මෙම අනතුරින් මෝටර් රථයේ සිටි මහාධිකරණ නීතිඥවරයෙක් ජීවිතක්ෂයට පත්ව ඇති බවයි තොරතුරු වාර්තා වුණේ.
හයිද්රාබාද්-විජයවාද අධිවේගී මාර්ගයේ පිවිසුමක් අසල දී ඊයේ (11) මෙම අනතුර සිදුව ඇති බවයි ඉන්දීය මාධ්ය තොරතුරු වාර්තා කළේ.
කොන්ක්රීට් ප්රවාහනය කළ ට්රක් රථය පාලනයෙන් ගිලිහී මෝටර් රථය මතට පෙරළීමෙන් මෙම අනතුර සිදුව තිබෙනවා.
මහාධිකරණ නීතිඥයෙකු වන බී. ශ්රීනිවාස් රාඕ එම අවස්ථාවේ මෝටර් රථයේ ගමන් කරමින් සිටි ඇති අතර, ඔහු එම ස්ථානයේදීම මියගොස් ඇති බවයි වාර්තා වුණේ.
ඔහු එදින උදෑසන අමරාවතී හි පැවති නීතිඥ මණ්ඩල මැතිවරණයට සහභාගී වී ආපසු යමින් සිටිය දී මෙම අනතුරට මුහුණ පා තිබෙනවා.
මූලික වාර්තාවලට අනුව මිශ්ර කොන්ක්රීට් රැගෙන ගිය ටැංකි රථයේ තිරිංග ක්රියා විරහිත වීම හේතුවෙන් හැරවීමේදී පාලනය අහිමිව ගොස් අධිවේගී පිවිසුමේ ගාස්තු ගෙවීමේ ගේට්ටුව හරහා ගමන් කරමින් තිබූ මෝටර් රථය මතට පෙරළී ඇති බවයි හෙළි වී ඇත්තේ.
