ඇතැම් මැති ඇමැතිවරු ගුරුවරුන් සම්බන්ධයෙන් කරන ප්රකාශ පිළිබඳව ශ්රී ලංකා නිදහස් පක්ෂය සමස්ත ගුරුවරුන්ගෙන්ම සමාව ඉල්ලන බව එම පක්ෂ මහලේකම්, රාජ්ය ඇමැති දයාසිරි ජයසේකර පැවැසීය.අනේකවිධ දුෂ්කරතා මැද දරුවන්ට අධ්යාපනය ලබාදෙන ගුරුවරුන්ට සිය ඉල්ලීම් වෙනුවෙන් මහමගට බැසීමට සිදුවීම සම්බන්ධයෙන් තම පක්ෂයට ඇත්තේ විශාල කනගාටුවක් බවත් ඒ මහතා කීවේය.
මහලේකම්වරයා මේ බව සඳහන් කළේ කොළඹ ඩාර්ලි පාරේ පිහිටි ශ්රී ලංකා නිදහස් පක්ෂ මූලස්ථානයේ ඊයේ (22 වැනිදා) පැවැති මාධ්ය හමුවේදීය.
ඉතාමත් ඉක්මනින් සාකච්ඡා මාර්ගයෙන් මෙම ගුරුවරුන්ගේ ගැටලුවට ස්ථිර විසඳුමක් ලබාදෙන ලෙස ජනාධිපතිවරයාගෙන් ඉල්ලා සිටින බව ඔහු කියා සිටියේය.
මෙහිදී හෙතෙම පැවසුවේ වසර ගණනාවක් තිස්සේ මෙම වැටුප් විෂමතා අර්බුදයෙන් ගුරුවරුන් පීඩාවට පත්වූ බවය. එම අර්බුදකාරී තත්ත්වය හමුවේද තම මුදලින් ඩේටා භාවිත කරමින් ගුරුවරුන් දරුවන්ට ඔන්ලයින් අධ්යාපනය ලබාදුන් බව කිසිවකු අමතක නොකළ යුතු බවද මෙහිදී ඔහු පැවසුවේය.
පසුගිය කාලය පුරාම ගුරුවරුන්ට ආණ්ඩුව සැලකූ ආකාරය පිළිබඳව පක්ෂයක් ලෙස ඉතාමත් කනගාටු වන බව රාජ්ය ඇමැතිවරයා පෙන්වා දුන්නේය. ගුරුවරුන්ට සිදුවූ හිත් රිදවීමට තම පක්ෂය සමාව ඉල්ලා සිටින බවද ඇමැතිවරයා පැවැසුවේය.
හෙතෙම පැවැසුවේ ශ්රී ලංකා නිදහස් පක්ෂයට ගුරුවරුන් වෙනුවෙන් පෙනී සිටීමට ඔවුන් වෙනුවෙන් හඬක් නැගීමට සම්පූර්ණ අයිතියක් ඇති බවය. තම පක්ෂයේ පංච මහා බලවේගයෙන් එක බලවේගයක් වන්නේ ගුරුවරුන් බැවින් ඔවුන් වෙනුවෙන් කළ හැකි සියල්ල ඉටුකරන බවද රාජ්ය ඇමැති දයාසිරි ජයසේකර මෙහිදී පවසා සිටියේය.
ඉතාමත් ඉක්මනින් ජනාධිපතිවරයා මැදිහත්වී මෙම ගුරු වැටුප් විෂමතා ගැටලුවට විසඳුමක් ලබාදිය යුතු බවත්, තම පක්ෂය සෑමවිටම ගුරුවරුන්ගේ අයිතීන් වෙනුවෙන් පෙනී සිටින බව ඔහු වැඩිදුරටත් පැවැසීය.
අශිකා ජයවීර
මෙ යකා රිලාසිරි ජයසෙකර උන්ගෙ ආන්ඩුවක් තියෙන කාලෙ ; මයිත්රී හිට්ංන් සොරිසෙන ජනපති කාලෙ නොකරපුවා දෙන් කොරන්න හදන්නෙ ; දෙපත් නයා රිලවා වාගෙ එක එක පැත්තට වාසියට පක්ෂ මාරු කරන එකා මූ