අග්රාමාත්ය දිනේෂ් ගුණවර්ධන සහ එක්සත් ජාතීන්ගේ ආහාර සහ කෘෂිකර්ම සංවිධානයේ අධ්යක්ෂ ජනරාල් ආචාර්ය කියු ඩොන්ගු අතර හමුවක් අද (19)දින අරලියගහ මන්දිරයේ දී පැවැත්වුණා.
වසර ගණනාවක් පුරා කෘෂිකර්මාන්තයට සහ ග්රාමීය ආර්ථික සංවර්ධනයට ලබාදුන් සහය වෙනුවෙන් ආහාර හා කෘෂිකර්ම සංවිධානයට ස්තූතිය පළ කළ අග්රාමාත්යවරයා, කෘෂිකාර්මික සහ ධීවර ක්ෂේත්ර සඳහා නව තාක්ෂණය හඳුන්වාදීමේ සැලසුම් සඳහා තවදුරටත් සහාය ලබා දෙන ලෙස ආහාර සහ කෘෂිකර්ම සංවිධානයෙන් ඉල්ලා සිටියා.
ග්රාමීය ගොවිතැනට බලශක්ති උත්පාදනය උදෙසා සූර්ය පැනල සහිත ජල පොම්ප සවි කිරීම පිළිබඳව ද අග්රාමාත්යවරයා මෙහි දී විශේෂයෙන් අවධානය යොමු කළා.
ආහාර සහ කෘෂිකර්ම සංවිධානයේ අධ්යක්ෂ ජනරාල්වරයා පැවසුවේ, මෙවැනි ව්යාපෘති අප්රිකාවේ හඳුන්වා දී ඇති අතර ශ්රී ලංකාවේ ද එවැනි ව්යාපෘතියක් පිළිබඳව ආහාර සහ කෘෂිකර්ම සංවිධානය විසින් සලකා බලන බවයි.
ආචාර්ය කියු ඩොන්ගු ශ්රී ලංකාවේ දේශගුණික තිරසරභාවය මෙහි දී අගය කළ අතර, ″මෙම දූපත ඉන්දියන් සාගරයේ දීප්තිමත්ම ජල බිංදුව” ලෙස හැඳින්විය හැකි බව පැවසූ අතර මෑත යුගයේ දී සිදු වූ පෙර නොවූ විරූ අර්බුදයෙන් පසු ආර්ථිකය යථා තත්ත්වයට පත් කිරීමේ ක්රියාවලියට ප්රශංසා කළ ඔහු කෙටි කාලයක් තුළ ශ්රී ලංකාව මැදි ආදායම් ලබන රටක් බවට යළිත් පත්වනු ඇතැයි විශ්වාසය පළ කර සිටියා.