විදේශ ගතව සිටින සංවිධානාත්මක අපරාධකරුවකු සහ මහාපරිමාණ මත්ද්රව්ය ජාවාරම්කරුවකු වන කිඹුලාඇලේ ගුණාගේ, මෙරට මත්ද්රව්ය බෙදාහරින කණ්ඩායමේ සාමාජිකයකු ඇතුළු තිදෙනෙක් ඊයේ (14) සිදුකළ වැටලීමක දී පොලිස් විශේෂ කාර්ය බලකාය විසින් අත්අඩංගුවට ගෙන තිබෙනවා.
ලද තොරතුරකට අනුව සේදවත්ත – වැල්ලම්පිටිය ප්රදේශයේ මෙම වැටලීම සිදුකර ඇති අතර, මෙහිදී වයස අවුරුදු 40ක පුද්ගලයෙකු අයිස් ග්රෑම් 26 මිලි ග්රෑම් 100ක් සමඟ අත්අඩංගුවට ගෙන ඇති බවයි වාර්තා වුණේ.
මෙම පුද්ගලයා සම්බන්ධයෙන් වැඩිදුර කරුණු සොයාබැලීමේ දී මේ වන විට විදේශ ගතව සිටින සංවිධානාත්මක අපරාධකරුවකු සහ මහාපරිමාණ මත්ද්රව්ය ජාවාරම්කරුවකු වන කිඹුලාඇලේ ගුණාගේ මත්ද්රව්ය ජාවාරම සම්බන්ධ අයෙක් බවටයි හඳුනාගෙන ඇත්තේ.
මෙම සැකකරු සමඟ අයිස් මත්ද්රව්ය ග්රෑම් 26 මිලි ග්රෑම් 150 සන්තකයේ තබාගෙන සිටි වැල්ලම්පිටිය ප්රදේශයේ පදිංචි වයස අවුරුදු 38ක පුද්ගලක් සහ මත්ද්රව්ය ජාවාරම් කිරිම සඳහා අනුබලදීම සම්බන්ධයෙන් මාදම්පිටිය ප්රදේශයේ පදිංචි වයස අවුරුදු 29ක පුද්ගලයෙක් ද අත්අඩංගුවට ගෙන තිබෙනවා.
සැකකරුවන් සන්තකයේ තිබී සොයාගත් අයිස් මත්ද්රව්යවල වටිනාකම රැපියල් ලක්ෂ අටක් පමණ වන බවයි පොලිස් විශේෂ කාර්ය බලකාය සඳහන් කළේ.
