උසස් පොලිස් නිලධාරීන් කිහිප දෙනෙකුට ස්ථාන මාරුවීම් ලබා දීමට පොලිස් මූලස්ථානය පියවර ගෙන තිබෙනවා.
ජාතික පොලිස් කොමිසමේ අනුමැතියට යටත්ව මෙම මාරුවීම් ලබා දීමටයි කටයුතු කර ඇත්තේ.
ඒ, අනුව ජ්යෙෂ්ඨ නියෝජ්ය පොලිස්පති සම්පත් කුමාර විශේෂ කාර්යාංශයේ සිට නැගෙනහිර පළාත දක්වා ස්ථාන මාරුකර තිබෙනවා.
එමෙන්ම දකුණු පළාත භාර ජ්යෙෂ්ඨ නියෝජ්ය පොලිස්පති ලෙස කටයුතු කළ කිත්සිරි ජයලත් සබරගමු පළාත භාර ජ්යෙෂ්ඨ නියෝජ්ය පොලිස්පති ලෙසයි මාරු කර යවා ඇත්තේ.
නැගෙනහිර පළාත භාර ජ්යෙෂ්ඨ නියෝජ්ය පොලිස්පති වරුණ ජයසුන්දරට ළමා හා කාන්තා කාර්යාංශයට අමතරව පුහුණු හා උසස් පුහුණු තනතුරේ වැඩ බැලීම සඳහාද පත් කර ඇති බව සඳහන්.
එමෙන්ම විශේෂ ආරක්ෂක තනතුරේ සිටි ජ්යෙෂ්ඨ නියෝජ්ය පොලිස්පති කේ.පී කරුණානායක එම තනතුරේ සිට උතුරු පළාත භාර ජ්යෙෂ්ඨ නියෝජ්ය පොලිස්පතිවරයා ලෙස ස්ථානමරිකර යවා තිබෙනවා.
මීට අමතරව සහකාර පොලිස් අධිකාරීවරුන් හයදෙනෙකුට ද ස්ථාන මාරුවීම් ලබා දීමටයි පියවර ගෙන ඇත්තේ.
