කාදිනල් හිමිපාණන්ට අපහාස කිරීම සහ කතෝලික ජනතාව කෝප ගැන්වෙන අයුරින් ප්රකාශ නිකුත් කිරීම සම්බ්න්ධයෙන් අත්අඩංගුවට ගෙන රක්ෂිත බන්ධනාගාරගත කර සිටින අත්තනායක මුදියන්සේලාගේ නාමල් කුමාර සහ අසේල නුවන් රාජපක්ෂ යන දෙදෙනා තවදුරටත් ලබන 11 වැනි දින දක්වා රිමාන්ඩ් බන්ධනාගාර ගත කරන ලෙස කොටුව මහේස්ත්රාත් නිලුපුලී ලංකාපුර මෙනවිය ඊයේ (29) නියෝග කළා.
සැකකරුවන් සම්බන්ධයෙන් වැඩිදුර වාර්තාවක් ඉදිරිපත් කරමින් අපරාධ පරීක්ෂණ දෙපාර්තමේන්තුව ඔවුන් තවදුරටත් රක්ෂිත බන්ධනාගාරගත කරන ලෙස අධිකරණයෙන් ඉල්ලා සිටියා.
එම වාර්තාව සම්බන්ධයෙන් ලිඛිත දේශන ඉදිරිපත් කිරීමට සැකකරුවන් වෙනුවෙන් පෙනී සිටි නීතිඥ මඩුල්ල අධිකරණයෙන් අවසර ඉල්ලා සිටි අතර මහේස්ත්රාත්වරිය ඊට අවසර ලබා දුන්නා.
සිද්ධිය සම්බන්ධයෙන් වැඩිදුර විමර්ශන සිදු කර ඉදිරි දින අධිකරණයට දැනුම් දෙන ලෙස ද මහේස්ත්රාත්වරිය අපරාධ පරික්ෂණ දෙපාර්තමේන්තුවට නියෝග කළා.
