කඹුරුපිටිය පොලිස් වසමේ මාහේන ප්‍රදේශයේ දී තියුණු ආයුධයකින් පහරදී ඊයේ (12) රාත්‍රියේ පුද්ගලයෙකු ඝාතනය කර තවත් පුද්ගලයෙකුට තුවාල සිදුකර තිබෙනවා.
මෙලෙස ඝාතනයට ලක්ව ඇත්තේ වයස අවුරුදු 40ක යහලගොඩ ප්‍රදේශයේ පදිංචිකරුවෙකු වන අතර තුවාලකරු වයස අවුරුදු 42ක කරපුටුගල ප්‍රදේශයේ පදිංචිකරුවෙක් බවයි පොලිසිය සඳහන් කළේ.
මරණකරු, තුවාලකරු සහ මිතුරන් කිහිප දෙනෙකු මත්පැන් පානය කරමින් සිටිය දී ඇති වූ බහින් බස් වීමක් දුරදිග යාමෙන් මෙම ඝාතනය සිදුකර ඇති බවයි දැනට සිදුකළ විමර්ශනවල දී අනාවරණය වී ඇත්තේ.
තුවාලකරු කඹුරුපිටිය රෝහලේ තවදුරටත් ප්‍රතිකාර ලබන අතර, මෘත ශරීරය කඹුරුපිටිය රෝහලේ මෘත ශරීරාගාරයේ තැන්පත් කර තිබෙනවා.
ඝාතනය සිදුකල සැකකරු ප්‍රදේශයෙන් පලාගොස් ඇති අතර, සැකකරු අත්අඩංගුවට ගැනීම සඳහා කඹුරුපිටිය පොලිසිය වැඩිදුර විමර්ශන සිදුකරනු ලබනවා.
මොනවා කරන්නද?
භුමදාන කරනවා මිසක්ක.
අවේලාවේ නිශාවර ඇසුරක ප්‍රතිපල නේද? මේ.
පණ දෙන්න පුලුවන්ද?
මෙලෝ එකෙක් විශ්වාස කල හැකි ද?
තමන් හිසට තම ආත්මය සෙවනැල්ල….