දිට්වා සුළි කුණාටුවෙන් පසු විපතට පත්වූවන්ට සහනාධාර ලබාදීම හා ප්‍රතිසංස්කරණ ක්‍රියාවලිය පිළිබඳ පුළුල් විගණනයක් ආරම්භ කර ඇතැයි විගණකාධිපති දෙපාර්තමේන්තුව සඳහන් කරනවා.
එහිදී විදේශවලින් මෙරටට ලැබුණු ද්‍රව්‍යමය සහනාධාර බෙදාහැරීම සම්බන්ධයෙන් ද, විශේෂ විගණනයක් සිදුකරන බවයි එම දෙපාර්තමේන්තුව පැවසුවේ.
මේ වන විටත් ප්‍රාදේශීය ලේකම් හා ග්‍රාම නිලධාරී කොට්ඨාස මට්ටමින් ඒ සඳහා දත්ත එක්රැස් කිරීම ආරම්භ කර තිබෙනවා.
රජය විසින් දිට්වා සහන වෙනුවෙන් වෙන් කළ මුදල්, නිලධාරීන් විසින් සුදුස්සන් අතට පත් කිරීම සම්බන්ධයෙන් නිවැරදි විගණනයක් සිදුකිරීම සඳහා අවශ්‍ය සෑම පියවරක්ම ගෙන ඇති බවයි එම දෙපාර්තමේන්තුව වැඩිදුරටත් පැවසුවේ.
