මිග්යානා ගෙන්වීමේ දී මූල්ය වංචා සිදු කළ බවට වන චෝදනාවලට අදාළව රුසියාවේ හිටපු තානාපති උදයංග වීරතුංග ඇතුලු පිරිසකට එරෙහිව අපරාධ පරීක්ෂණ දෙපාර්තමේන්තුවේ මූල්ය අපරාධ කොට්ඨාශය විසින් පවරා ඇති නඩුව ලබන ජනවාරි 06 වන දින යළි කැඳවන ලෙස කොටුව මහේස්ත්රාත් පසන් අමරසේන අද (02) නියෝග කළා.
සිද්ධියට අදාල සැකකරු අද (02) අධිකරණයේ පෙනී සිටිමෙන් අනතුරුව මෙලෙස නියෝග කළා.
සැකකරු වෙනුවෙන් අධිකරණයේ පෙනී සිටි ජනාධිපති නීතීඥවරයා පවසා සිටියේ ව්යාපාර කටයුත්තක් කරන තැනැත්තෙක් බැවින් ඒ සඳහා අවශ්ය කටයුතු සඳහා මාගේ සේවාදායකට විදේශ ගත වීමට අවශ්ය බැවින් තාවකාලිකව විදෙස් ගමන් තහනම ඉවත් කරන ලෙස අධිකරණයෙන් ඉල්ලා සිටියා.
ඒ අනුව සැකකරුගේ විදෙස් ගමන් තහනම ඉදිරි නඩු දිනය දක්වා තාවකාලිකව ඉවත් කිරීමට අධිකරණයේ නියම කළා.
ප්රශ්නගත මිග්යානා 08ක් ගෙන්විමේ දී මූල්ය වංචා සිදුකළ බවට උදයංග වීරතුංග මහතා ඇතුලු පිරිසකට චෝදනා එල්ල වී තිබෙනවා.
මෙම නඩුව කොටුව මහේස්ත්රාත් අධිකරණය හමුවේ අද (02) යළි කැඳවූවා.
මෙම නඩුව නීතිපති උපදෙස් සදහා යොමු කර ඇති බැවින් ඉදිරි දිනයක් ලබා දෙන ලෙස විමර්ශන නිලධාරීන් ඉල්ලා සිටියා.
