ඉන්දියාවේ ගුවන් ගිලන් රථයක් කඩා වැටීමෙන් දරුණු අනතුරක් සිදුව තිබෙනවා.
එරට වේලාවෙන් ඊයේ සවස 7:30 ට පමණ සිදුවු මෙම අනතුරින් එහි ගමන් ගත් පුද්ගලයින් 07 දෙනාම මියගොස් ඇති බවයි තොරතුරු වාර්තා වන්නේ.
මෙම ගුවන් යානය රාංචි ගුවන් තොටුපළේ සිට දිල්ලිය බලා පියාසර කරමින් තිබිය දී මෙලෙස කඩා වැටීමට ලක්ව තිබෙනවා.
රෙඩ්බර්ඩ් එයාර්වේස් පුද්ගලික සමාගම විසින් මෙහෙයවන ලද මෙම ගුවන් යානය රාංචි ගුවන් තොටුපළෙන් පස්වරු 7:11ට ගුවන් ගත වී තිබෙනවා.
යානය පස්වරු 7:30 ට පමණ අතුරුදහන්ව ඇති අතර, පසුව ඝන වනාන්තර කලාපයක් වන සිමාරියා හි බරියාටු පංචායත් ප්රදේශයට කඩා වැටී ඇති බවටයි තොරතුරු වාර්තා වන්නේ.
