ජාතික ජන බලවේගයෙන් පාර්ලිමේන්තුවට තේරී පත්වූ මන්ත්රීවරුන් 159 දෙනා විසින් රුපියල් මිලියන 400ට වැඩි මුදලක් අවභාවිතා කිරීමෙන් දූෂණය නැමති වරද සිදුකර ඇති බැවින් ඒ සම්බන්ධයෙන් විමර්ශනයක් සිදු කරන ලෙස දිනන දකුණ ඇතුළු සිවිල් සංවිධාන කිහිපයක එකතුවකින් සැදුම්ලත් නිදහස් සටන් මධ්යස්තානය විසින් අද (02) අල්ලස් කොමිසම වෙත පැමිණිල්ලක් ඉදිරිපත් කරනු ලැබුවා.
එම පැමිණිල්ල මඟින් ඔවුන් පෙන්වා දෙන්නේ අදාළ මන්ත්රීවරුන් සිය මන්ත්රීධුරයට හිමි වරප්රසාද වන වැටුප් සහ දීමනා ලබාදීමේ අරමුණ වන මහජන යහපත උදෙසා යෙදවීම යන්න මඟහැර ජනතා විමුක්ති පෙරමුණේ සහ ජාතික් ජන බලවේගයේ බැංකු ගිණුමට තැන්පත් කිරීම මගින් දූෂණ විරෝධී පනත යටතේ ගැනෙන වරදක් සිදුකරෙන බවයි.
ජනතා විමුක්ති පෙරමුණේ සහ ජාතික ජන බලවේගයේ බැංකු ගිණුම් සහ මන්ත්රීවරුන්ගේ බැංකු ගිණුම් පරික්ෂා කරන ලෙසත්, එම මන්ත්රීවරු ගෙන්වා මේ සම්බන්ධයෙන් ප්රකාශ ගන්නා ලෙසත් ඔවුන් පැමිණිල්ල මඟින් ඉල්ලා සිටිනවා.
