කහටගස්දිගිය වනජිවි කලාපයට අයත් නබඩවැව රක්ෂිත වල පසුගිය දින කිපය තුල දී වනජිවි දේපාර්තමෙන්තු මගින් ක්‍රියාත්මක කරන නියම් සමයේ විශේෂ වැටලීම් රාජකාරි වලදී සත්ව දඩයමේ ගිය පිිරිස් සොයා දිගින් දිගටම මෙහෙයුම් දියත් කල අතර එම මෙහෙයුම් අතර වාරයේ හක්කපටස් තබා ඌරන් දඩයම් කල දෙදෙනෙකු අත් අඩංගුවට ගැනීමට කහටගස්දිගිය බීට්ටු වනජිවි කාර්යාලයේ නිළධාරින් සමත්විය.
දඩයම් කර මරාදමා තිබු වල් ඌරා මස් කරමින් සිටින අවස්ථාවේ සැකකරුවන් දෙදෙනෙකු අත්අඩංගුවට ගෙන ඇති අතර වන සතුන්ට ආහාරයට දී සතුන් දඩයම් කිරිම සදහා භාවිතා කිරිමට යොදා ගන්න බව සැක කරණ හක්කපටස් 03 ඔවුන් සන්තකයේ තිබීයදී වනජිවි නිළධාරින්ගේ අත් අඩංගුවට ගත් අතර ,
මෙලෙස අත්අඩංගුවට ගෙන ඇත්තේ නෙලුගොල්ලාකඩ කහටගස්දිගිලිය ලිපිනයේ පදිංචි එස්.ප්‍රියංකර ,එන්.නන්දසිරි යන සක කරුවන් හා ඔවුන් සන්තකයේ තිබු හක්කපටස් හා ඝාතනය කර තිබු වල් ඌරා ඊයේ (18) දින කහටගස්දිගිය මහේස්ත්‍රාත් අධිකරණයට ඉදිරිපත් කිරිමෙන් පසු රුපියල් 80000/= මුදලක් දඩ නියම කර තිබෙනවා.
කහටගස්දිගිය වනජිවි කාර්යාලයේ ස්ථානභාර නිලධාරි අරුන දිසානායක මහතා පවසා සිටියේ පසුගිය වසරකට ආසන්න කාලයක් තුල කහටගස්දිගිය වනජිවි බල ප්‍රදේශය තුල හක්කපටස් ආහාරයට ගත් වන අලි පැටවුන් 10 වැඩි පිරිසක් මුඛයේ සිදුවු තුවාල හේතුවෙන් ආහාර ගැණිමට නොහැකිව මිය ගොස් ඇති බවත් ඌරන් මුවන් ගෝණුන් විශාල පිරිසක් හක්පටස් ආහාරයට ගෙන මියගොස් ඇති බවත් ඒ අතරින් සැක කරුවන් 30 ආසන්න පිරිසක් හදුනාගෙන අත් අඩංගුවට ගෙන කහටගස්දිගිය මහේස්ත්‍රාත් අධිකරණයට ඉරිපත් කොට දඩම නියම කර ඇති බවයි.
