ශ්රී ලංකා ගමනාගමන මණ්ඩලය අප්රේල් 08 වන දින සිට 13 වන දින දක්වා දින 06ක කාලය තුළ රුපියල් බිලියනයක වාර්තාගත ආදායමක් උපයා තිබෙනවා.
අප්රේල් 11 වන දින පමණක්, ශ්රී ලංකා ගමනාගමන මණ්ඩලය රුපියල් මිලියන 213ක උපරිම දෛනික ආදායමක් උපයා ඇති බවයි වාර්තා වන්නේ.
මෙම ආදායම් වැඩිවීමට බොහෝ දුරට හේතු වී ඇත්තේ, උඩරට දුම්රිය මාර්ගයේ දුම්රියන් තවමත් ධාවනය නොවීමයි.
එහි ප්රතිඵලයක් ලෙස, අවුරුදු නිවාඩුව සඳහා ගම්බිම් බලා යන මගීන් විශාල සංඛ්යාවක් බස් සේවා සිය ප්රවාහන සේවය ලෙස යොදාගෙන තිබුණා.
ඒ, අනුව පැවති ඉහළ ඉල්ලුම සපුරාලීම සඳහා ශ්රී ලංකා ගමනාගමන මණ්ඩලය සම්මත දෛනික කාලසටහනට අමතරව, අමතර බස් රථ 1,500ක් ධාවනයට එක් කිරීමටයි කටයුතු කර තිබුණේ.
