විශාල දේපොළ හානියක් සිදු කරමින් ඊයේ (23) රාත්රී 7.30ට පමණ කොළඹ – හලාවත මාර්ගයේ මහවැව නගර මධ්යයේ හටගත් ගින්න මේ වනවිට (24) සම්පූර්ණයෙන් ම මැඩපවත්වා තිබෙනවා.
එම ගින්න හටගෙන ඇත්තේ රෙදිපිළි, පොත්පත් අලෙවි කළ ව්යාපාරික මධ්යස්ථානයක් කේන්ද්ර කරගෙනයි.
ගින්නට හසු ව නගරයේ තිබූ ට්රාන්ස්ෆෝමරයක් ද පුපුරා ගොස් ඇති අතර විදුලි රැහැන් පද්ධතියට ද දැඩි අලාභ හානි සිදු ව තිබෙනවා.
ගින්නෙන් දේපොළ හානි සිදු වුව ද ජීවිත හානි කිසිවක් වාර්තා වන්නේ නැහැ.
මෙම ගින්න මැඩපැවැත්වීමට හලාවත නගර සභාවේ ගිනි නිවන ඒකකය, තොඩුවාව පොලීසියට අමතරව මාරවිල සහ මාදම්පේ පොලිස් ස්ථානවලින් ද පැමිණ සිටියා.
දැවැන්ත ගින්න මධ්යම රාත්රිය ගෙවෙන තුරුත් පැවතුණු බවත්; ක්රමයෙන් ගින්න නිවා දැමීමට හැකි වූ බවත් පැවසෙනවා.
මහවැව නගරයේ දෙමහල් ගොඩනැගිල්ල ගින්නෙ සම්පූර්ණයෙන් ම විනාශ වී ඇති අතර
ගින්න හට ගැනීමත් සමග හලාවත – කොළඹ ප්රධාන මාර්ගයේ මහවැව නගරය හරහා වාහන ගමන් කිරීම තාවකාලිකව නවත්වා දැමීමට පොලීසිය කටයුතු කළා.
සිදු වූ අලාභ හානි රුපියල් කෝටි 30කට අධික බවත් ගින්නට හේතුවක් මෙතෙක් අනාවරණය වී නොමැති බවත් පැවසෙනවා.
