UPDATE – ලග්ගල අනතුරින් මියගිය ගණන ඉහළට – තුවාලකරුවන් කඩිනමින් රෝහලට
ලග්ගල – එළවනාකන්ද ප්‍රදේශයේ සිදු වූ රිය අනතුරෙන් පුද්ගලයින් තිදෙනකු මියගොස් 35 දෙනෙකු තුවාල ලබා ඇති බව පොලිස් මාධ්‍ය කොට්ඨාසය පවසනවා.
අද (14) රාත්‍රියේ දී මෙම අනතුර සිදු ව ඇත්තේ බස් රථයක් සහ වෑන් රථයක් මුහුණට මුහුණ ගැටීමෙන්.
අද රාත්‍රී 7.30ට පමණ විල්ගමුව පොලිස් වසමේ දඹුල්ලේ සිට මහියංගණය දෙසට ධාවනය වූ පෞද්ගලික බස් රථයක් ඊට ප්‍රතිවිරුද්ධ දිශාවෙන් පැමිණි වෑන් රියක ගැටී ප්‍රපාතයකට පෙරළී ගොස් තිබෙනවා.
අනතුරින් බස් රථයේ සිටි පුද්ගලයින් 37 දෙනෙකු සහ වෑන් රථයේ සිටි පුද්ගලයින් 05 දෙනෙකු තුවාල ලබා විල්ගමුව රෝහලට ඇතුළත් කර ඇති බවයි වාර්තා වන්නේ.
අනතුරින් මියගොස් ඇත්තේ බස් රථයේ සිටි පුද්ගලයින් දෙදෙනකු සහ වෑන් රථයේ සිටි පුද්ගලයෙකු යි.
මෙම බස් රථය විනෝද චාරිකාවකට සහභාගී වූ පිරිසක් රැගෙන ධාවනය වෙමින් තිබූ බවයි වාර්තා වන්නේ.
wpDiscuz
