Update – ගාල්ල බන්ධනාගාරයේ ගැටුමට කරන්දෙණිය සුද්දා සහ අහුංගල්ලේ ලොකු පැටීගේ සම්බන්ධයක්

ගාල්ල බන්ධනාගාරය තුළ අද (26) පස්වරුවේ රැඳවියන් දෙපිරිසක් අතර ගැටුමක් ඇතිව තිබුණා.

මෙම ගැටුමෙන් රැඳවියන් සිව්දෙනෙක් තුවාල ලබා රෝහල් ගත කිරීමටයි කටයුතු කර තිබුණේ.

එම බන්ධනාගාරය තුළ මේ වන විට රඳවා සිටින අහුංගල්ලේ ලොකු පැටී සහ කරන්දෙණිය සුද්දා යන ප්‍රබල අපරාධ කල්ලි සාමාජිකයින් දෙදෙනාගේ කණ්ඩායම් අතර මෙම ගැටුම හටගෙන ඇති බවයි අභ්‍යන්තර ආරංචි මාර්ග සඳහන් කළේ.

මේ වනවිට බන්ධනාගාර තුළ ආරක්ෂාව සඳහා පොලිස් නිලධාරීන් සහ පොලිස් විශේෂ කාර්ය බලකා නිලධාරින් යෙදවීමටයි කටයුතු කර ඇත්තේ.