කඩුවෙල, කොරතොට, තුන්අඳහේන මාර්ගයේගසක් යට දමා ගොස් තිබූ පාර්සලයක් තුළ තිබී ටී 56 වර්ගයේ ගිනි අවි වලට සමාන ව්යාජ ගිනි ගිනි අවි තුනක් බ්රව්නින් පිස්තෝල වර්ගයේ ව්යාජ ගිනි අවි 05ක් සහ ටී 56 ගිනි අවිවලට යොදන සත්ය මැගසිනයක් උණ්ඩ නවයක්ද සමඟ අද (18) සොයා ගැනුණා.
ඒ, නවගමුව පොලිස් ස්ථානයට ලැබුණු තොරතුරකට අනුවයි.
මේ අතර ආදළ ගිනිඅවි රැගෙනවිත් දමා ගිය බවට සැක කරන ව්යාජ අංක යෙදූ සුඛෝපභෝගී ජීප් රථයක් පිළිබඳව අනාවරණය වී ඇති බව පොලිසිය පවසනවා.
නවගමුව පොලිසියේ ස්ථානාධිපති ප්රධාන පොලිස් පරීක්ෂක ලයනල් රාජපක්ෂට අද (18) දින ලද තොරතුරක් මත අදාළ ගිනි අවි පාර්සලය තිබූ ස්ථානය පරීක්ෂා කර මෙම පාසලය ලබාගැනීමට කවුරුන් හෝ පැමිණිතැයි සිතා ඒ අවට සිවිල් පොලිස් නිලධාරින් ස්ථාන ගතකර තිබෙනවා.
කෙසේ වෙතත් දහවල් එක පමණ වන තෙක් ආවේෂණ රාජකාරිවල නිරත වුවද කිසිවෙකු එම පාර්සලය ලබා ගැනීමට පැමිණ තිබුණේ නැහැ.
ඒ, අනුව ඇඟිලි සලකුණු ඒකකයෙන් නිලධාරීන් සහ නුගේගොඩ පොලිස් කොට්ඨාසයේ අපරාධ ස්ථාන පරීක්ෂණ නිලධාරීන් එම ස්ථානයට කැඳවා පාර්සලය ලිහා බැලීමේදී එම ගිනි අවි ව්යාජ ඒවා බවත් මැගසිනය සහ උණ්ඩ පමණක් සත්ය ඒවා බවත් අනාවරණය කරගෙන තිබෙනවා.
අදාළ ව්යාජ ගිනි අවි මත ග්රීස් තවරා පොලිතීන්වලින් ඔතා සැබෑම ගිනි අවි ලෙස දර්ශනය වන පරිදි සකස් කර තිබූ බවයි පොලිසිය සඳහන් කළේ.
මෙම ගිනිඅවි කිසියම් අයෙකුට විකිණීම සඳහා මෙලෙස ගෙනවිත් ඇති බවට පොලිසිය සැකපළ කරනවා.
