අම්බලන්ගොඩ, ගලගොඩ ප්රදේශයේ වෙළඳසැලක් තුළ ඊයේ (12) රාත්රියේ සිදුකළ වෙඩි තැබීමකින් දෙදෙනෙක් ජීවිතක්ෂයට පත් වුණා.
මෙලෙස ඝාතනයට ලක් වුණේ අදාළ වෙළඳසැලේ හිමිකරු සහ තවත් පුද්ගලයෙක්.
වෙඩි තැබීමෙන් ඝාතනයට ලක්ව ඇත්තේ දඩල්ලගේ සිතුම් සංජන හෙවත් සුදූ නමින් හඳුන්වන 22 හැවිරිදි වෙළඳසැලේ හිමිකරු සහ හළඹ උදේෂ් මධුරංග මෙන්ඩිස් නැමැති 26 හැවිරිදි වියේ පසු වූ තරුණයෙක්.
ඊට අමතරව මෙම වෙඩි තැබීමෙන් තවත් පුද්ගලයින් තිදෙනෙක් තුවාල ලබා රෝහල් ගතකළ බවයි පොලිසිය සඳහන් කළේ.
තුවාල කරුවන් තිදෙනා බලපිටිය සහ කරාපිටිය රොහල්වල මේ වනවිට ප්රථිකර ලබන බවයි වාර්තා වන්නේ.
යතුරුපැදියකින් පැමිණි නාඳුනන පුද්ගලයින් දෙදෙනෙක් ටී-56 වර්ගයේ ගිනි අවියකින් ඊයේ (11) රාත්රි 8.40ට පමණ වෙළදසැලට ඇතුළු වී මෙම වෙඩි තැබීම සිදුකර පළාගොස් තිබුණා.
මෙම වෙඩි ප්රහාරය කවුරුන් ඉල්ලක්ක කරගෙනඑල්ල කරන ලද්දක් ද යන්න සම්බන්ධයෙන් අම්බලන්ගොඩ පොලිසිය වැඩිදුර විමර්ශනය සිදුකරනු ලබනවා.
වෙළදසැල් හිමිකරුට කිසිඳු අපරාධ චොදනවක් නොමැති බව ද පොලිසිය සඳහන් කළා.
මේ අතර බලපිටිය මහේස්ත්රාත් ආර්.ඩී.ජානක මහතා අද (12) අලුයම සිද්ධිට සිදු වූ ස්ථානයේ මහේස්ත්රාත් පරික්ෂණය සිදුකළ බවයි අප වාර්තාකරු පැවසුවේ.
මේ අතර පිටිගල පොලිස් වසමේ ගුරුවල ප්රදේශයේ වෙළෙඳසැලක් ඉදිරිපිට දී ඊයේ (11) වෙඩිතැබීමක් සිදු වුණා.
වෙඩි තැබීමෙන් එම ස්ථානයේදීම පුද්ගලයෙකු මිය ගිය අතර, කාන්තාවක් සහ තවත් පිරිමි පුද්ගලයින් දෙදෙනෙක් තුවාල ලැබුවා.
පොලීසිය පවසන්නේ යතුරුපැදියකින් පැමිණි නාඳුනන පුද්ගලයින් දෙදෙනෙකු විසින් මෙම වෙඩිතැබීම සිදුකර ඇති බවයි.
මෙම වෙඩි තැබීම සඳහා ටී-56 වර්ගයේ ගිනි අවියක් භාවිත කර ඇති බවට පොලීසිය සැක පළකරනවා.
