අම්බලන්ගොඩ සහ අහුංගල්ල යන ප්රදේශවල ඊයේ (27) පස්වරුවේ සිදුකළ වැටලීමකදී අත්අඩංගුවට ගැනුණු රුපියල් කෝටි 50කට අධික වටිනාකමින් යුත් මත්ද්රව්ය තොගය සංවිධානාත්මක අපරාධකරුවෙක් සහ මත්ද්රව්ය ජාවාරම්කරුවෙක් වන කරන්දෙණිය සුද්දාගේ බවට පොලිසිය පවසනවා.
දකුණු පළාත භාර ජ්යෙෂ්ඨ නියෝජ්ය පොලිස්පති කිත්සිරි ජයලත්ගේ උපදෙස් මත සිදුකළ මෙම වැටලීමේ දී සැකකරුවන් තිදෙනෙක් සහ සැකකාරියක් අත්අඩංගුවට ගත් බවයි පසුව තොරතුරු වාර්තා වුණේ.
මෙම සැකකරුවන් සන්තකයේ තිබී අයිස් මත්ද්රව්ය කිලෝග්රෑම් 13ක් සහ හෙරොයින් කිලෝග්රෑම් 14කට අධික ප්රමාණයක් සොයාගෙන තිබෙනවා.
ඊට අමතරව මිලිමීටර් 09 පතොරම් උණ්ඩ 30ක් සහ මිලිමීටර් 38 පතොරම් උණ්ඩ 30ක් ද මොවුන් සන්තකයේ තිබී සොයාගත් බවයි පොලිසිය පැවසුවේ.
අත්අඩංගුවට ගැනුණු සැකකරුවන් තිදෙනා සහ සැකකාරිය වයස අවුරුදු 41ත් 45ත් අතර වයස්වල පසුවන අයවලුන් බවයි වාර්තා වුණේ.
මෙලෙස අත්අඩංගුවට ගැනුණු සැකකරුවන් අතර හිටපු යුද හමුදා බුද්ධි අංශ නිලධාරියෙක් ද සිටින අතර, කරන්දෙණිය සුද්දාගේ මෙහෙයවීම මත ඔහු විසින් මෙම මත්ද්රව්ය ජාවාරම සිදුකර ඇති බවයි තොරතුරු අනාවරණය වී ඇත්තේ.
