ද්රවිඩ ජාතික සන්ධානයේ (The Tamil National Alliance- TNA) සාමාජිකයින් සහ ජනාධිපති රනිල් වික්රමසිංහ අතර ඉහළ පෙළේ සාකච්ඡාවක් පවත්වා තිබෙනවා.
ඒ උතුරු පළාත් සංවර්ධනය සහ ආයෝජන වැඩසටහන් පිළිබඳවයි.
මෙම සාකච්ඡාවට සසිකලා රවිරාජ් සහ කලෛඅමුදන් මාවෙයි සේනාධිරාජා එක් ව සිටියා.
එහිදී ද්රවිඩ ප්රජාවගේ දිගුකාලීන ගැටලු විසඳීමට ජනපතිවරයාට ඇති හැකියාව පිළිබඳ ව ද්රවිඩ ජාතික සන්ධානයේ නායක මාවෙයි සේනාධිරාජා විශ්වාසය පළ කර ඇති බවයි වාර්තා වන්නේ.
උතුරු පළාතේ පුළුල් සංවර්ධන සහ ආයෝජන වැඩසටහන් ඉදිරියට ගෙන යාම අරමුණු කරගනිමින් දෙමළ ජාතික සන්ධානයේ (TNA) පක්ෂ සාමාජිකයින් ජනාධිපතිවරයාගේ මැතිවරණ ප්රචාරක කටයුතු අතරතුර යාපනයේ ජෙට් වින්ග් හෝටලයේ දී මෙම විශේෂ සාකච්ඡාව පවත්වා තිබෙනවා.
උතුරු පළාතේ ජනතාව මුහුණදෙන දීර්ඝකාලීන ආර්ථික සහ යටිතල පහසුකම් ගැටළුවලට කඩිනමින් විසඳුම් ලබාදීම මෙම සාකච්ඡාවේ අරමුණ බවයි පැවසෙන්නේ.
උතුරු පළාතේ සංවර්ධනය පිළිබඳ වැඩි වශයෙන් දේශපාලන අවධානය යොමුව තිබෙන අවස්ථාවක මෙම සාකච්ඡාව සිදුව තිබීම ද විශේෂත්වයක්.
