පකිස්තානයේ පැවති සිව්වැනි දෘශ්‍යාබාධිත T20 ලෝක කුසලාන ශූරතා තරගාවලියට සහභාගී වූ ශ්‍රී ලංකා දෘශ්‍යාබාධිත ක්‍රිකට් කණ්ඩායම එම තරගාවලියේ තෙවැනි ස්ථානය දිනාගෙන අද (05) අලුයම කටුනායක ගුවන් තොටුපොළ වෙත පැමිණියා.
මෙම තරගාවලිය ඉකුත් නොවැම්බර් මස 23 වැනි දින සිට දෙසැම්බර් මස 03 දක්වා පාකිස්තානයේ මුල්තාන් නුවර දී පැවැත්වුණා.
මීට එක් වූ රටවල් ගණන 07ක්.
තරගාවලියේ වීරයා ලෙස ශ්‍රී ලංකා දෘශ්‍යාබාධිත ක්‍රිකට් කණ්ඩායමේ දමිත් සඳරුවන් ක්‍රීඩකයා සම්මාන ලැබුවා.
මෙම තරගාවලියේ පැවති තරග 03කදී ම, ශ්‍රී ලංකා දෘශ්‍යාබාධිත ක්‍රිකට් කණ්ඩායමේ ක්‍රීඩකයින් තිදෙනකු එම තරගවල වීරයා සම්මාන ද දිනා ගැනීමට සමත් වුණා.
ඩුබායි සිට පැමිණි ෆ්ලයි ඩුබායි ගුවන් සේවයේ එෆ්.ඉසෙඩ් -549 දරන ගුවන් යානයෙන් අලුයම 12.45ට පමණ මොවුන් කටුනායක ගුවන් තොටුපොළ වෙත පැමිණ ඇති බවයි වාර්තා වන්නේ.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
