මැදපෙරදිග ඇති වී තිබෙන යුදමය වාතාවරණය හේතුවෙන් කටුනායක ගුවන් තොටුපොළ වෙත අද (01) දහවල් 12.00 වනවිට පැමිණීමට නියමිතව තිබූ ගුවන් යානා 26ක ගුවන් ගමන් අවලංගු වී තිබෙනවා.
ඊට අමතරව කටුනායක ගුවන් තොටුපොළෙන් පිටත්ව යාමට නියමිතව තිබූ ගුවන් ගමන් 28ක් අවලංගු වී ඇතැයි කටුනායක ගුවන් තොටුපොළ කාර්යය භාර නිලධාරීවරයා සදහන් කළේ.
මැදපෙරදිග රටවල ගමනාන්තයන් වෙත හෝ එම ගමනාන්තයන් ඔස්සේ තවත් වෙනත් රටවල් වෙත යාමට සැළසුම් කර ඇති ගුවන් මගීන් කටුනායක ගුවන් තොටුපොළ වෙත නොපැමිණ, තමන්ගේ ගුවන් සේවා පහසුකම් සපයන ආයතනය විමසන ලෙස ද කාර්යය භාර නිලධාරීවරයා දැනුම්දෙනවා.
මැදපෙරදිග කලාපයේ රටවලට හැර යුරෝපය, ඈත පෙරදිග සහ මධ්යම ආසියානු කලාපයේ රටවල් වෙත කටුනායක ගුවන් තොටුපොළේ සිට සුපුරුදු ගුවන් ගමන් මෙහෙයුම් සිදුවනවා.
ඔබේ ප්රතිචාරය කුමක්ද ?
+1
+1
+1
+1
1
+1
1
+1
+1
