පන්දුවාර 20-20 ලෝක කුසලාන තරගාවලියේ පාකිස්ථාන කණ්ඩායම අවසන් පූර්ව තරගයට පිවිසීම වැළක්වීමට ශ්රී ලංකා ක්රිකට් ආයතන හෝ නිලධාරීන් දැනුවත්ව කුමන්ත්රණයක් දියත්කර ඇති බවට පාකිස්ථාන මාධ්ය හා හිටපු ක්රිකට් ක්රීඩකයින් චෝදනා කරන බව හිටපු අමාත්යවරයෙක්වන චන්න ජයසුමන පවසනවා.
නවසීලන්තය සමඟ පැවති තරගයේ දී ශ්රී ලංකා ක්රීඩකයින්ගේ ක්රීඩා විලාශය දෙස බැලීමේ දී ඕනෑම අයෙකුට පාකිස්ථාන මාධ්ය හා එරට හිටපු ක්රීඩකයින් එල්ල කරන චෝදනාව සාධාරණ බවට සැකසංකා ජනිත වන බවයි ඔහු පවසන්නේ.
සර්වජන බලය පක්ෂයේ අද (27) කැඳවා තිබූ ප්රවෘත්ති සාකච්ඡාවක දී හිටපු අමාත්ය චන්න ජයසුමන මෙම අදහස් පළ කළා.
මෙහිදී වැඩිදුරටත් අදහස් දක්වමින් ඔහු සඳහන් කළේ පාකිස්ථාන හිටපු ක්රීඩකයින් එල්ලකරන මෙම චෝදනාවේ සත්යද අසත්ය බව සොයා බැලීම සඳහා කඩිනමින් පැහැදිලි විමර්ශනයක් සිදුකළ යුතු බවයි.
“පාකිස්ථානය නියෝජනය කරපු ජාත්යන්තර වශයෙන් පිළිගැනීමට ලක් වූ ක්රීඩකයින් කිහිපදෙනෙක් ශ්රී ලංකාව සහ නවසීලන්තය අතර පැවති තරගය සම්බන්ධයෙන් අදහස් දැවීමක් කරලා තියනවා. ඔවුන් එකේදී කියන්නේ පාකිස්ථානය අවසන් පූර්ව තරගයට පිවිසීම වැළක්වීම සඳහා ශ්රී ලංකා ක්රිකට් ආයතන හෝ නිලධාරීන් දැනුවත්ව යම් කුමන්තරයක් සිදුවුණා කියන එක. බැලූ බැල්මට එම තරගයේ ශ්රී ලංකා ක්රීඩකයින්ගේ ක්රීඩා විලාශය බැලුවම ඕනෑම කෙනෙක්ට සැකසංකා ජනිත වෙනවා. කාසියේ වාසිය දිනගත්තාට පස්සේ පන්දුවට පහර දෙනවා වෙනුවට පන්දු රැකීමට තෝරාගත්තේ ඇයි කියන කරණය පිළිබඳව ලොකු විවේචනයක් ඇතිවෙලා තියනවා. නවසිසීලන්ත ක්රීඩකයින් ලකුණු 84කට කඩුලු 06ක් දැවීගිය අවස්ථාවේ දී එකදිගටම ෆුල්ටොස් පන්දු අසාමාන්ය විදියට ඔවුන්ට පිරිනමනු ලැබුවා. එත් එක්කම අපේ ක්රීඩකයින් අසාමාන්ය විදියට සුපුරුදු පහරවල්වලින් පරිභාහිරව දැවීයාම සඳහාම ඇතැම් පහරවල් එල්ල කළ බව බැලූ බැල්මට පෙනෙන්න තිබුණා. මේ පාකිස්ථාන ක්රීඩකයින් එල්ලකරන චෝදනාව සත්යද කියලා සොයා බලන්න කඩිනමින් පැහැදිලි විමර්ශනයක් කළ යුතුයි.”
wpDiscuz
