ලොව ධනවත්ම ක්රිකට් ලීගය වන ඉන්දීය ප්රිමියර් ලීග් තරගාවලිය අද (22) ආරම්භ වනවා.
මෙවර තරගාවලියේ පළමු තරගය ලෙස වත්මන් ශූර කොල්කටා නයිට් රයිඩර්ස් සහ රෝයල් චැලෙන්ජර්ස් බැංගලෝර් තරග බිමට පිවිසීම නියමිතයි.
කොක්කටා හී ඊඩ්න් ගාර්ඩන් ක්රීඩාංගණයේ දී පැවැත්වෙන මෙම තරගය අද (22) රාත්රී 7.30ට ආරම්භ වනවා.
මෙවර තරගවලිය වෙනුවෙන් ශ්රී ලංකාව නියෝජනය කරමින් ක්රීඩකයින් 08 දෙනෙකු එක්ව සිටිනවා.
මතිෂ පතිරණ, මහිෂ් තීක්ෂණ, වනිඳු හසරංග, නුවන් තුෂාර, එෂාන් මාලිංග, දුෂ්මන්ත චමීර, කමිඳු මෙන්ඩිස් සහ දසුන් ශානක මෙවර තරගාවලිය වෙනුවෙන් එක්ව සිටින ශ්රී ලාංකික ක්රීඩකයින් වනවා.
මේ අතර අද (22) පැවැත්වෙන පළමු තරගය බොහෝ දුරට සම්පූර්ණයෙන්ම අතහැර දැමීමේ විශාල අවදානමක් පවතින බව ඉන්දීය මාධ්ය වාර්තා කරනවා.
කොල්කටාවට මේ දිනවල සවස් කාලයේ පවතින අයහපත් කාලගුණ තත්ත්වය මීට ප්රධාන හේතුව වී තිබෙනවා.
මේ අතර සමාරම්භක තරගයට පෙර කොල්කටා නයිට් රයිඩර්ස් සහ රෝයල් චැලෙන්ජර්ස් බැංගලෝර් ක්රීඩකයින් ඊයේ (21) සහභාගී වූ ඔවුන්ගේ අවසන් පුහුණු සැසි අතර මඟ අතහැර දමන්නට ද සිදු වුණේ වර්ෂාව හේතුවෙන්.
කණ්ඩායම් දෙකේ පුහුණුවීම් නියමිත පරිදි සවස 5.00 ට ආරම්භ වූ නමුත් සවස 6.00 පන වනවිට වර්ෂාව ඇද හැළුණු අතර, ඒ හේතුවෙන් එම පුහුණු සැසි නවතා දැමුණා.
ඉන්දීය කාලගුණ විද්යා දෙපාර්තමේන්තුව පුරෝකථනය කර ඇත්තේ බ්රහස්පතින්දා සිට ඉරිදා දක්වා දකුණු බෙංගාලයට ගිගුරුම් සහිත වැසි පතිතවනු ඇති බවයි.
