අයි.සී.සී. ඉසව්වලින් ජයග්රහණය කරනු ලබන පිරිමි සහ කාන්තා කණ්ඩායම් සඳහා ඉදිරියේ දී සමාන ත්යාග මුදල් ලබාදීමට ජාත්යන්තර ක්රිකට් කවුන්සිලය තීරණය කර තිබෙනවා.
දකුණු අප්රිකාවේ ඩර්බන් නුවර පැවති අයි.සී.සී. වාර්ෂික සමුළුවේ දී මෙම තීරණය ගෙන ඇති බවයි වාර්තා වන්නේ.
“මෙය අපගේ ක්රීඩා ඉතිහාසයේ වැදගත් අවස්ථාවක්,අයි.සී.සී. ගෝලීය ඉසව් සඳහා තරඟ කරන පිරිමි සහ කාන්තා ක්රිකට් කණ්ඩායම්වලට දැන් එක හා සමානව ත්යාග පිරිනැමීම ගැන අපි සතුටු වෙනවා. 2017 වසරේ සිට අපි සෑම වසරකම කාන්තා ඉසව්වල ත්යාග මුදල වැඩි කර ඇත්තේ සමාන ත්යාග මුදල් කරා ළඟාවීම කෙරෙහි පැහැදිලි අවධානයක් යොමු කරමින්. මෙතැන් සිට, අයි.සී.සී. කාන්තා ක්රිකට් ලෝක කුසලානය ජයග්රහණය කිරීමේදී, අයි.සී.සී. පිරිමි ක්රිකට් ලෝක කුසලානය ජයග්රහණය කිරීමට සමාන ත්යාග මුදලක් ලබාදෙන අතර, විස්සයි 20 ලෝක කුසලාන සහ 19 න් පහළ සඳහා ද එවැනි සමාන මුදල් ත්යාග ලබා දෙනවා.” යනුවෙන් අයි.සී.සී. සභාපතිවරයා සඳහන් කර සිටියා.
මෙම වසර මුල කාන්තා විස්සයි විස්ස ලෝක කුසලානය දිනාගත් ඕස්ට්රේලියානු කාන්තා කණ්ඩායමට ඩොලර් මිලියනයක ත්යාග මුදලක් හිමිවූ අතර, අනුශූරතාව හිමිකර ගත් දකුණු අප්රිකාවට ඩොලර් ලක්ෂ පහක් හිමි වුණා.
කෙසේ වෙතත් පසුගිය වසරේ නොවැම්බර් මාසයේ පැවති පිරිමි විස්සයි විස්ස ලෝක කුසලානය ජයග්රහණය කළ එංගලන්ත කණ්ඩායමට ඩොලර් මිලියන 1.6ක් හිමි වූ අතර, අනුශූරතාව දිනාගත් පාකිස්තානයට ඩොලර් ලක්ෂ අටක ත්යාග මුදලක් ලබා දුන්නා.
