ජාත්යන්තර එක්දින පිතිකරුවන්ගේ ශ්රේණිගත කිරීම් හි සිය ස්ථාන වෙනස් කරගැනීමට පසුගියදා පැවති එක්දින තරගවල දී දැක්වූ දක්ෂතා හේතුවෙන් ඇතැම් පිතිකරුවන්ට අවස්ථාව හිමි ව තිබෙනවා.
මාර්තු මස 04 වැනිදා සිදු කළ ICC යාවත්කාලීන කිරීම් අනුව දකුණු අප්රිකාවේ හෙන්රිච් ක්ලාසන් තෙවැනි ස්ථානයටත්, ඉන්දියා විරාට් කෝලි සිව්වැනි ස්ථානයටත් පත් ව ඇති බවයි දක්නට ලැබෙන්නේ.
ශ්රියාර්ස් අයියර් ද සිය ස්ථානය ඉහළට ඔසවාගෙන තිබෙනවා.
ඇෆ්ගනිස්තානය වෙනුවෙන් සුපිරි ඉනිමක් ක්රීඩා කළ ඊබ්රහීම් සද්රාන් ස්ථාන 13කින් ඉදිරියට පැමිණ 10 වැනි ස්ථානයට පත් ව තිබෙනවා.
එක්දින පිතිකරුවන්ගේ ශ්රේණිගත කිරීම්හි තවමත් මුලසුනේ රැඳී සිටින්නේ ඉන්දීය ක්රීඩක ශුබ්මන් ගිල් යි.
චැම්පියන්ස් කුසලානයේ අවසන් පූර්ව වටයේ තරගයේ දී ඉන්දියාව හමුවේ පරාජයට පත් වූ ඔස්ට්රෙලියාව එම කණ්ඩායමේ නායකත්වය ගෙන කටයුතු කළ ස්ටීවන් ස්මිත්ගේ අවසන් තරගය වුණා.
ස්මිත් එක්දින ක්රිකට් පිටියෙන් සමුගන්නා විට දී ස්ථාන 06ක් ඉදිරියට එමින් සිය ස්ථානය 16 වැනි ස්ථානය දක්වා පරිවර්තනය කරගැනීමට සමත් ව සිටිනවා.
මේ අතර එක්දින පන්දු යවන්නන්ගේ ශ්රේණිගත කිරීම් හි දකුණු අප්රිකානු දඟ පන්දු ක්රීඩක කේෂව් මහරාජ් ස්ථාන දෙකකින් ඉදිරියට එමින් සිය ස්ථානය දෙවැනි තැනට පත් කරගෙන තිබෙනවා.
එහි තෙවැනියා බවට පත් ව ඇත්තේ නවසීලන්තයේ මැට් හෙන්රි යි.
එක්දින පන්දු යවන්නන්ගේ ශ්රේණිගත කිරීම් හි පළමු තැන ශ්රී ලංකාවේ මහීෂ් තීක්ෂණට හිමි ව තිබෙනවා.
මේ අතර මාර්තු 05 වැනි ICCයෙන් එක්දින කණ්ඩායම් සම්බන්ධයෙන් සිදු කළ නවතම ශ්රේණිගත කිරීම් අනුව නොවෙනස් ව ඉන්දීය කණ්ඩායම ලොව හොඳම එක්දින ක්රිකට් කණ්ඩායම බවට පත් ව සිටිනවා.
දෙවැනි තැන ඔස්ට්රෙලියාවටත් තෙවැනි තැන පකිස්තානයටත් හිමිව ඇති අතර ශ්රී ලංකාව පසුවන්නේ සයවැනි ස්ථානයේයි.
Lankawa palamu stanayata enna thawa kochchara kaalayak yaida 😢