දිවයින පුරා දැනට පවතින අයහපත් කාලගුණික තත්ත්වය හෙට (04) දහවල් කාලයෙන් පසු පහව යනු ඇති බව කාලගුණ විද්යා දෙපාර්තමේන්තුව පවසනවා.
එම දෙපාර්තමේන්තුවේ අධ්යක්ෂ ජනරාල් අජිත් විජේමාන්න මේ බව සඳහන් කළේ අද (03) පස්වරුවේ රජයේ ප්රවෘත්ති දෙපාර්තමේන්තුවේ පැවති විශේෂ ප්රවෘත්ති සාකච්ඡාවකට එක්වෙමින්.
ඒ, අනුව හෙට දහවල් කාලයේ පසු පවතින වැසි තත්ත්වය අඩුවනු ඇති බවයි අධ්යක්ෂ ජනරාල්වරයා සඳහන් කළේ.
මේ අතර ජපානයට දකුණින් පැසිෆික් සාගරයේ ඇති වී තිබෙන ‘ටයිෆූන්’ සුළි කුණාටුව වර්ධන වෙමින් පවතින බව සඳහන් කළ අධ්යක්ෂ ජනරාල්වරයා එය සක්රීයවීමත් සමඟ ලබන 06 වනදායින් පසු මධ්යම කඳුකරයේ බටහිර බෑවුම් ප්රදේශවලට වැසි ඇති විය හැකි බවයි ඔහු වැඩිදුරටත් පැවසුවේ.
ඒ, අනුව සබරගමුව පළාතත් මහනුවර සහ නුවරඑළිය දිස්ත්රික්කවලත් එම කාලය තුළ වැසි ඇති විය හැකි බවයි අධ්යක්ෂ ජනරාල්වරයා සඳහන් කළේ.
