නුවරඑළිය, ශාන්තිපුර ඊගල්ස් නැරඹුම් ස්ථානය (Eagle’s View Point) දෙස් විදෙස් සංචාරකයින් සඳහා අද (26) විවෘත කෙරුණා.
ඒ, විදේශ කටයුතු, විදේශ රැකියා සහ සංචාරක අමාත්ය විජිතහේරත්ගේ ප්රධානත්වයෙන්, ගුවන් හමුදාධිපති එයාර් මාර්ෂල් උදේනි රාජපක්ෂගේ සහභාගීත්වයෙන්.
මුහුදු මට්ටමේ සිට අඩි 6,182ක උසකින් පිහිටි ලංකාවේ උසම ගම්මානය වන ශාන්තිපුර ගම්මානය කේන්ද්ර කරගනිමින් මෙම නැරඹුම් ස්ථානය ඉදිකර තිබෙනවා.
2024 ජූලි මස 31 වන දින ඉදිකිරීම් ආරම්භ කළ මෙම ඊගල්ස් නැරඹුම් ස්ථානයේ ඉදිකිරිම් කටයුතු සඳහා ශ්රම දායකත්වය, ඉංජිනේරු සහාය, සැලසුම් කිරිම් ශ්රී ලංකා ගුවන් හමුදාව විසින් සිදුකරනු ලැබුවා.
සංචාරක කර්මාන්තයේ දියුණුව තුළින් දේශීය ආර්ථිකයේ යහපැවැත්ම උදෙසා ශ්රී ලංකාව විදේශීය සංචාරකයින්ගේ ප්රධාන සහ ආකර්ෂණීය ගමනාන්තයක් බවට පත්කරලීම මෙය ඉදිකිරීමේ මූලික අරමුණයි.
අද දින විවෘත කළ මෙම ‘ඊගල්ස් නැරඹුම් ස්ථානයේ සිට සංචාරකයින්ට නුවරඑළිය නගරය, පේදුරු තැන්න, පිදුරුතලාගල, හක්ගල, ග්රෙගරි වැව, කිකිළියාමාන්න කදුපංතිය, ශ්රීපාදය, සප්තකන්යා කදුවැටිය සමගින් ඌව පළාතේ සොබාදහමේ සුන්දරත්වය ද නැරඹීමේ හැකියාව පවතිනවා.
මේ සඳහා මූල්ය දායකත්වය සංචාරක සංවර්ධන අධිකාරිය විසින් ලබා දී තිබෙනවා.
