”පොහොසත් රටක් ලස්සන ජීවිතයක්” යන මාලිමා රජයේ ප්රතිපත්ති ප්රකාශයට අනුව ‘ක්ලීන් ශ්රී ලංකා’ වැඩසටහන සැලසුම් කර ක්රියාත්මක කිරීම සඳහා වූ ජනාධිපති කාර්ය සාධක බලකාය නම්කර තිබෙනවා.
ඊට අදාළ ගැසට් නිවේදනය ජනාධිපති ලේකම් ආචාර්ය නන්දික සනත් කුමානායක මහතාගේ අත්සනින් යුතුව ඊයේ (19) නිකුත් කරනු ලැබුවා.
මෙම ජනාධිපති කාර්ය සාධක බලකාය සඳහා ජනාධිපති ලේකම්, ත්රිවිධ හමුදාපතිවරුන්, වැඩබලන පොලිස්පති සහ නාගරික සංවර්ධන අධිකාරියේ සභාපති ඇතුළු සාමාජිකයින් 18 දෙනෙකු නම්කර තිබෙනවා.
මෙරට ජනතාවගේ යහපැවැත්ම, සංහිඳියාව සහ ප්රගමනය තහවුරු කිරීම තුළින් පරිවර්තනීය මුලපිරීමක් සඳහා මෙන්ම එහි සමාජීය, පාරිසරික හා ආචාරධර්මීය පිබිදීමක් ඉලක්ක කර ගනිමින් ජාතික මෙහෙයුමක් දියත් කිරීම මෙහි අරමුණු යි.
එමෙන්ම පාරිසරික, ආර්ථික හා සමාජීය තිරසරභාව සහ රාජ්ය යාන්ත්රණය ශක්තිමත් කිරීම සඳහා පරිවර්තනීය මුලපිරීමක් අවශ්ය බැවින් එම අරමුණු ළඟාකර ගැනීම මෙහි තවත් අරමුණක් බවත් එහි සඳහන්.
පසුගියදා පැවති අමාත්ය මණ්ඩල රැස්විමේ දි ‘Clean SriLanka’ වැඩසටහන ක්රියාත්මක කිරීම සඳහා ජනාධිපති කාර්ය සාධක බලකායක් පිහිටුවීමට තීරණය කරනු ලැබුවා.
