කොළඹ අපරාධ කොට්ඨාසයේ (CCD) හිටපු අධ්‍යක්ෂ සහකාර පොලිස් අධිකාරී නෙවිල් සිල්වා මහතා ඇප මත මුදාහැර තිබෙනවා.
ඒ රත්නපුර මහේස්ත්‍රාත් අධිකරණය විසින්.
රුපියල් මිලියන 5 බැගින් වූ ශරීර ඇප තුනක් මත ඒ මහතා ව මුදා හරින ලෙසටයි අද (30) අධිකරණය නියෝග කර ඇත්තේ.
රුපියල් කෝටි 14ක් වටිනා මැණික් සහ වාහන ඇතුළු දේපොළ තොගයක් බලහත්කාරයෙන් ලබාගත් බව කියන සිද්ධියක් සම්බන්ධයෙන් කොළඹ අපරාධ කොට්ඨාසයට කළ පැමිණිල්ලකට අනුව එම දේපොළ ඒකපාර්ශිකව පැමිණිලිකරුට ලබාදීම සම්බන්ධයෙන් වූ පැමිණිල්ලකට ඔහුව අත්අඩංගුවට ගෙන රක්ෂිත බන්ධනාගාර ගත කරනු ලැබුවා.
ඒ ඔක්තෝබර් මස 09 වැනි දින දියි.
කොළඹ අපරාධ කොට්ඨාසයේ (CCD) හිටපු අධ්‍යක්ෂ සහකාර පොලිස් අධිකාරී (ASP) නෙවිල් සිල්වා පොලිස් ක්ෂේත්‍ර බලකා මූලස්ථානයේ දී අපරාධ පරීක්ෂණ දෙපාර්තමේන්තුව (CID) විසින් අත්අඩංගුවට ගනු ලැබූ අතර ඔහු හිටපු පොලිස්පතිවරයෙකු (IGP) සහ හිටපු බස්නාහිර පළාත් පොලිස් ප්‍රධානියෙකු සමඟ සම්බන්ධ මැණික් වංචාවක් සම්බන්ධයෙන් චෝදනා ලැබ සිටියා.
පොලිස් අභ්‍යන්තර මූලාශ්‍ර වැඩිදුරටත් හෙළි කළේ මෙම සිද්ධියේ ප්‍රධාන සැකකරු වන CCD නිලධාරියෙකු රටින් පලා ගොස් දැන් යුරෝපයේ පදිංචිව සිටින බවයි.
2023 අගෝස්තු මාසයේ දී පුද්ගලයෙකු රුපියල් මිලියන 140ක පමණ වටිනා මැණික් සොරකම් කිරීම සම්බන්ධයෙන් CCD වෙත පැමිණිල්ලක් ගොනු කර ඇති අතර පැමිණිලිකරු බස්නාහිර පළාතේ ජ්‍යෙෂ්ඨ පොලිස් නිලධාරියෙකු හරහා CCD වෙත පැමිණිල්ල ඉදිරිපත් කර ඇතැයි සඳහන්.
පැමිණිල්ලේ චෝදනා ලැබූ පුද්ගලයා රත්නපුර ප්‍රදේශයේ මැණික් ව්‍යාපාරිකයෙක් බවත් සම්මත ක්‍රියා පටිපාටියට අනුව මෙවැනි ඉහළ වටිනාකමකින් යුත් සිද්ධියක් CID වෙත යොමු කළ යුතු වුව ද, CCD විසින් පැමිණිල්ල ලියාපදිංචි කරගෙන තිබෙනවා.
ඔවුන් ව්‍යාපාරිකයාගේ පරිශ්‍රය වැටලීමක් සිදු කර, මැණික් අත්අඩංගුවට ගෙන අධිකරණයට ඉදිරිපත් කර තිබෙනවා.
කෙසේ වෙතත්, මේ වනවිට රටින් පලා ගොස් ඇති CCD හි ප්‍රධාන සැකකරු වැටලීමේ දී අත්අඩංගුවට ගත් මැණික්වලින් සමහරක් අවභාවිතා කර ඇති බවට චෝදනා එල්ල වී ඇති අතර ව්‍යාපාරිකයා අත්අඩංගුවට ගෙන සොරකම සම්බන්ධයෙන් චෝදනා කර අධිකරණයට ඉදිරිපත් කරනු ලැබුවා.
කොළඹ අපරාධ කොට්ඨාසයේ හිටපු අධ්‍යක්ෂ, සහකාර පොලිස් අධිකාරී නෙවිල් පෙරේරා, නීති පද්ධතියෙන් පිටත බලහත්කාරයෙන් දේපළ අත්පත් කර ගැනීමට උදව් කිරීම සහ අනුබල දීම සම්බන්ධයෙන් චෝදනා ලබා සිටි අතර අද දින එම නඩුව විභාග කළ අවස්ථාවේදියි ඇප හිමිවූයේ.
පසුගිය සතිය වන තුරුම කොළඹ අපරාධ කොට්ඨාසයේ වැඩබලන අධ්‍යක්ෂවරයාව සිටි නෙවිල් සිල්වා මහතාව පොලිස් ක්ෂේත්‍ර බළකා මූලස්ථානයට ස්ථාන මාරු කිරීමෙන් අනතුරුව මෙම අත්අඩංගුවට ගැනීම සිදු කෙරුණා.
