පන්දුවාර 20 ක්‍රිකට් ලෝක කුසලානයේ 24 වැනි තරගය ජය ගැනීමට ඔස්ට්‍රේලියාව මීට ටික වේලාවකට පෙර සමත් වුණා.
නැමීබියාවට එරෙහි ව පැවති මෙම තරගය පැවැත්වුණේ නෝර්ත් සවුන්ඩ් හි දීයි.
අද තරගයේ කාසියේ වාසිය දිනාගත් ඔස්ට්‍රේලියාව පළමු ව පන්දු යැවීමට තීරණය කළා.
ඒ අනුව කැන්ගරුවන්ගේ ඇරයුමෙන් පළමු ව පන්දුවට පහරදීමට පිටියට පිවිසි නැමීබියා කණ්ඩායම පන්දුවාර 17ක් අවසානයේ දී සියලු දෙනා දැවී ලබාගත්තේ ලකුණු 72ක් පමණයි.
ඇඩම් සම්පා විශිෂ්ට පන්දු යැවීමක නිරත වෙමින් කඩුලු 04ක් දවාගත් අතර මාර්කස් ස්ටොයිනිස් සහ හේසල්වුඩ් අතරේ කඩුලු 02ක බැගින් බිඳී ගියා.
නෙතන් එලිස් එක් කඩුල්ලයි.
පිළිතුරු ඉනිම ක්‍රීඩා කළ ඔස්ට්‍රේලියා කණ්ඩායම එක් කඩුල්ලක් දැවී සිය ජයග්‍රහණය වාර්තා කළා.
ඒ පන්දුවාර 05ක් අවසාන වීමට පන්දු දෙකක් පමණක් ඉතිරිව තිබියදීයි.
නැමීබියාව වෙනුවෙන් David Wiese එක් කඩුල්ලක් බිඳ දැමුවා.
තරගයේ වීරයා සම්මානය ලකුණු 12කට කඩුලු 04ක් බිඳ දැමූ ඔස්ට්‍රේලියාවේ ඇඩම් සම්පා දිනාගත්තා.
B කාණ්ඩයේ ප්‍රසාද ලකුණු සටහනේ පැවති තරග 03 ම ජය ගනිමින් ඔස්ට්‍රේලියාව ලකුණු 06ක් ලබා ගනිමින් ඉදිරියෙන් පසුවනවා.
