එදා ගෝල් ෆේස් අරගලයේ සුජාතභාවය අද නොමැති බව ත් මේ වන විට සුන්දර ගෝල් ෆේස් සටන අද තක්කඩින්ගේ ගොදුරක් බවට පත්ව තිබෙන බවත් පාර්ලිමේන්තු මන්ත්රී විමල් වීරවංශ අද ( 22) පාර්ලිමේන්තුවේදී පැවසීය.
“මම නම කියන්නේ නැහැ. ඒත් බොහොම ප්රබල ඇමති කෙනෙක් ඒ ඇමතිතුමා. එතුමා කිව්වා කතාවක් මේ කියන්නේ. ඔබතුමන්ලා දන්නවා ඔය ගෝල් ෆේස් සටනේ මුල් කාලේ හරි සුන්දර සටනක්. කාබනික ගොවිතැන වගේ දෙයක් තිබුණේ. දැන් එක රසායනික ත් නෙවෙයි මොකක්දෝ මුතු එකක් වෙලා. කුඩුකාරයන්ගේ තෝතැන්නක් වෙලා.
දැන් IMF කණ්ඩායම එද්දී මුදල් අමාත්යංශයේ ගේට්ටුව වටලනවා. ජනාධිපති ලේකම් කාර්යාලයේ දොරටුව වටලනවා. ඒ කියන්නේ IMF එක එනකොට පෙන්නන්න ඕනෑ රටේ ගැටුම් බහුලයි. රට අස්ථාවරයි කියලා. ඒක පෙන්නන්න හදන්නේ. ඒ නිසා ගෝල් ෆේස් අරගලයේ මුදලින් තිබුණු සුජාතභාවය නෑ. තක්කඩි ටිකක් ඉන්නේ. හැබැයි මේ තත්තවෙට පත් වෙන්න කලින් ඔය කියන ගෝල් ෆේස් අරගලය වෙලාවේ අද්භාවයෙන් ඉන්න මිනිස්සු බැහැර කරන්න බැහැ. හැබැයි දැන් එහෙමයි කියලා මට පෙන්නේ නැහැ. අනාගතයේ ඡන්දේ ඉල්ලන්න බලන් ඉන්න දෙතුන් දෙනෙක් රඟපානවා වෙන්නත් පුළුවන්.”
