යුද සමයේ දී කොටි සාමාජිකයන් විසින් මුල තිව් පුදුකුඩිඉරිප්පු උඩයාර් ප්‍රදේශයේ වළ දමා තිබු භූමි තෙල් ලීටර් 715 ක් මුලතිව් ආරක්ෂක අංශ විසින් පසුගිය 20 දා ගොඩ ගෙන තිබේ . එම ප්‍රදේශයේ වැසියෙකු නිවසක් ඉදිකිරීම සඳහා ගෙපැලක් කැපීමට ගිය අවස්ථාවේ දී පොළොව යටින් ප්ලාස්ටික් කෑන් එකක කොටසක් මතු වී ඇති අතර ඔහු ඒ පිළිබඳ පුදුකුඩිඉරිප්පු පොලිසියට කළ දැනුම් දීමකට අනුව පොලීසිය එම ස්ථාන යට පැමිණ මූලික පරීක්ෂණ ආරම්භ කොට ඇත අනතුරුව සිද්ධිය පිළිබඳ මුලතිව අධිකරණයට ඉදි රිපත් කළ වාර්තාවකට අනුව මුලතිව විනිසුරු ආර් සරවනරාජා මහතා විසින් අදාළ ස්ථානය හාරා මේ භූමිතෙල් තොගය ගොඩ ගන්නා ලෙසට අධිකරණ නියෝගයක් ලබා දී තිබේ .
ප්ලාස්ටික් කෑන් හතක දමා අදාළ භූමි තෙල් තොගය වළ දමා තිබූ අතර එම භූමි තෙල් පරීක්ෂා කොට බැලීමේ දී ඒවා ඉතා හොඳ තත්ත්වයේ තිබී ඇත භූමිතෙල් තොගයට කළ යුතු දේ පිළිබඳ මුලතිව අධිකරණයෙන් තීන්දු ලැබුණු පසුව කටයුතු කරන බව පවසන පුදුකුඩි ඉරිප්පු පොලීසිය සිද්ධිය සම්බන්ධයෙන් පරීක්ෂණ පවත්වා ගෙන යයි .
