සෑම දෙසතියකට වරක් හෝ මාසයකට වරක් ඉන්ධන මිල සංශෝධනයක්

ඊයේ (23) පස්වරුවේ රැස්වූ කැබිනට් මණ්ඩලයට ඉදිරිපත් වූ ඉන්ධන මිල සූත්‍රයට කැබිනට් අනුමැතිය හිමිව තිබෙනවා.

මේ අතර අද (24) අලුයම 3.00 සිට ක්‍රියාත්මක වන පරිදි ඉන්ධන මිල ඉහළ දැමීමට රජය තීරණය කළා.

ලෝක වෙළෙඳපොළේ පවතින තෙල් මිල සහ අනෙකුත් සාධක සලකා බලා ඉන්ධන මිල සූත්‍රයට අනුව මිල ඉහළ දැමීම සිදුකළ බවයි රජය සඳහන් කළේ.

ඒ අනුව සෑම දෙසතියකට වරක් හෝ මාසිකව ඉන්ධන මිල සංශෝධනය කිරීමට නියමිත බවයි වාර්තා වන්නේ.

ඉන්ධන ආනයනික වියදම්, ගොඩබෑමේ වියදම්, බෙදා හැරීමේ වියදම් සහ බදු මුදල් මෙම මිල සංශෝධනයට ඇතුළත්.

කෙසේ වෙතත් මිල සංශෝධනය සඳහා ලාභාංශ ඇතුළත් කර නොමැති බවයි වාර්තා වන්නේ.