ඉන්ධන මිළ ගණන් සම්බන්ධයෙන් විරෝධතාවයේ යෙදෙන කසකස්තාන පුරවැසියන්ට කිසිදු පූර්ව දැනුම්දීමකින් තොරව වෙඩි තබන ලෙස එරට ජනාධිපතිවරයා විසින් ආරක්ෂක අංශ වෙත නියෝග කර තිබෙනවා.
අත්තනෝමතික ලෙස ඉන්ධන මිළ ගණන් ඉහළ දැමීම හේතුවෙන් කෝපයට පත් කසකස්ථාන වැසියන් මේ වනවිට එරට ජනාධිපතිවරයාගේ නිළ නිවස පවා ගනිබත් කර ඇති අතර විරෝධතා වලින් මේ වනවිට සාමාන්‍ය වැසියන් 26 ක් සහ ආරක්ෂක අංශ සාමාජිකයින් 18 දෙනෙකු පමණ ජීවිතක්ෂයට පත්ව තිබෙනවා.
කෙසේවෙතත් මෙම සිද්ධිය ආරම්භයේදීම එරට රජය ඉල්ලා අස්වූ අතර නැවතත් ඉන්ධන මිළ ගණන් අඩු කිරීමටද පියවර ගන්නා බවයි එරට ජනාධිපතිවරයා සඳහන් කර තිබුණේ.
මේ අතර විිරෝධතා පාලනය කිරීම සදහා කසකස්ථාන ඒකාධිපති ජනාධිපතිවරයාගේ ඉල්ලීමකට අනූව රුසියානු හමුදා භටයින් 2,500කට ආසන්න සංඛ්‍යාවක්ද කසකස්තානය වෙත ගොස් ඇති බවද විදෙස් වාර්තා සදහන් කර තිබෙනවා.
දිගින් දිගටම පවතින විරෝධතා වලදී අත්අඩංගුවට ගෙන ඇති පිරිස 4000 ස ඉක්මවා තිබෙනවා.
